សុខភាព៖ ផលិតផលកំប៉ុង ឬប្រអប់ស្រាប់មិនដឹងប្រភព និងមិនអាចជឿជាក់បានពីកម្រិតជាតិផ្សំ និងវត្ថុធាតុដើម ក៏ដូចជាការវេចខ្ចប់ត្រឹមត្រូវដែរឬទេ? ដូច្នេះ គួរងាកមកទទួលទានអាហារទាំង៧មុខ ដូចខាងក្រោមនេះវិញ...។
ទី១.ប៉េងប៉ោះ៖ ផ្លែប៉េងប៉ោះ ជាប្រភពវីតាមីន C អាចផ្តល់សារធាតុចិញ្ចឹមសំខាន់ៗ ដល់ទៅជិត៣០ភាគរយ នៃសារធាតុខូឡាជែន។ លើសពីនេះ ផ្លែប៉េងប៉ោះ ក៏មានផ្ទុកសារជាតិលីកូទីន ដែលជាសារធាតុប្រឆាំងអុកស៊ីតកម្ម ការពារ ការរលាកដល់ស្បែក។ ២.ត្របែក៖ ត្របែក មានវីតាមីន C ដើរតួយ៉ាងសំខាន់ ក្នុងការផលិតប្រូសេស្តេរ៉ូន ដែលជាប្រភពកូឡាជែនដល់ស្បែក ដូច្នេះ ការទទួលបានវីតាមីន C គ្រប់គ្រាន់ គឺចាំបាច់ ជាពិសេសត្របែកនេះតែម្ដង។ ៣.ម្ទេសលឿង៖ ម្ទេសលឿង ក៏សម្បូរវីតាមីន C ខ្ពស់ ព្រមទាំងផ្ទុកសារធាតុ Capsaicin ដែលជាសមាសធាតុប្រឆាំងនឹងការរលាក អាចប្រឆាំងភាពចាស់ជ្រីវជ្រួញ។
៤.គ្រាប់ស្វាយចន្ទី៖ គ្រាប់ស្វាយចន្ទី សម្បូរស័ង្កសី និងទង់ដែង ដែលសារធាតុទាំងពីរនេះ ជួយបង្កើនសមត្ថភាពរបស់រាងកាយក្នុងការបង្កើតខូឡាជែន។ ៥.សណ្ដែក៖ សណ្តែក ជាអាហារមានជាតិប្រូតេអ៊ីនខ្ពស់ មានផ្ទុកអាស៊ីដអាមីណូចាំបាច់ សម្រាប់ការសំយោគខូឡាជែន។ សណ្ដែកភាគច្រើនសម្បូរទៅដោយទង់ដែង ដែលជាសារធាតុចិញ្ចឹមចាំបាច់មួយទៀត សម្រាប់ផលិតខូឡាជែន។ ៦.ស៊ុត៖ផ្នែកពណ៌-ស របស់ស៊ុត មានផ្ទុកអាមីណូអាស៊ីដ ដ៏ច្រើនសន្ធឹកសន្ធាប់ ដែលវាជាសមាសធាតុចាំបាច់ សម្រាប់ផលិតកម្មខូឡាជែន។ ៧.ត្រី៖ មានខូឡាជែនដែលលក់លើទីផ្សារផ្សំឡើងពីត្រី និងសាច់ជាដើម ដូចនេះ ស្រីៗអាចទទួលទានអាហារដែលចម្អិនពីត្រី ឱ្យ បានច្រើនក៏ទទួលបានប្រសិទ្ធភាពដូចគ្នា៕ ដកស្រង់ពី៖ ហេទ្បូគ្រូពេទ្យ
