ខេត្តកំពង់ស្ពឺ៖ បន្ទាប់ពីបើកប្រតិបត្តិការស្រាវជ្រាវយ៉ាងក្ដៅគគុកអស់រយៈពេលខ្លី កម្លាំងសមត្ថកិច្ចជំនាញ បានឈានទៅដល់ការឃាត់ខ្លួនបុរសដែលបានយកដែកទៅដាក់កាត់ទទឹងផ្លូវល្បឿនលឿនភ្នំពេញ-ព្រះសីហនុ....។

យោងតាមរបាយការណ៍ពីសមត្ថកិច្ច នារសៀលថ្ងៃទី១ ខែតុលា ឆ្នាំ២០២៦ បានឱ្យដឹងថា ការចាប់ខ្លួននេះ ធ្វើឡើងបន្ទាប់ពីកម្លាំងសមត្ថកិច្ចបានសហការជាមួយក្រុមហ៊ុនគ្រប់គ្រងផ្លូវល្បឿនលឿន ពិនិត្យមើលកាមេរ៉ាសុវត្ថិភាព (CCTV) នៅតាមបណ្តោយផ្លូវ និងចុះស្រាវជ្រាវផ្ទាល់ដល់ទីតាំងកើតហេតុ ព្រមទាំងប្រមូលចម្លើយពីប្រជាពលរដ្ឋនៅក្បែរនោះ រហូតកំណត់មុខសញ្ញាបានយ៉ាងច្បាស់លាស់ និងឈានទៅដល់ការឃាត់ខ្លួនជនល្មើសឈ្មោះ​ សេ​ង សុខ។

នៅចំពោះមុខសមត្ថកិច្ច ជនល្មើសបានសារភាពថា នៅថ្ងៃកើតហេតុ រូបគេបានលួចដែក​មូលដែ​លមានប្រវែង​៦ម៉ែត្រចំនួ​ន​២ដើម នៅក្នុងចម្ការមួយកន្លែងក្នុងឃុំអូរ ​ស្រុកភ្នំស្រួច​ ខេត្តកំពង់ស្ពឺ ក្រោយលួចបា​នហើយ ក៏ដើរឆ្លងកាត់ផ្លូវ​ល្បឿន​លឿន​ (ទិសដៅពីលិចទៅកើត) ហើយបានទុកដែក​ដាក់ទទឹងកណ្ដាលទ្រូងផ្លូវ។ បច្ចុប្បន្ន សមត្ថកិច្ចនគរបាល បានឃាត់ខ្លួនជនស​ង្ស័យ រួមជាមួយវត្ថុតាងដែកចំនួន២ដើម​ បញ្ជូនមកអធិ​កា​រដ្ឋាននគរបាលស្រុកភ្នំស្រួច​ ដើម្បីកសាងសំណុំរឿង និងចាត់ការតាមនីតិវិធីច្បាប់៕