រដ្ឋធានីបាងកក៖ ប្រទេសថៃ នៅតែបន្តបង្ហាញជំហររកាច់កុងច្រើន និងខ្វះឆន្ទៈពិតប្រាកដ ក្នុងការដោះស្រាយបញ្ហាព្រំដែនសមុទ្ទជាមួយកម្ពុជា ដោយអះអាងសាជាថ្មីថា ខ្លួននឹងមិនយល់ព្រមទទួលលើការអភិវឌ្ឍធនធានរួមគ្នា ឬការបែងចែកផលប្រយោជន៍ថាមពលជាមួយកម្ពុជាឡើយ ដរាបណាព្រំដែនសមុទ្ទមិនទាន់បានខណ្ឌសីមារួចរាល់។ ជុំវិញរឿងនេះ មានចម្ងល់ជាច្រើនចោទសួរថា តើអាចខណ្ឌសីមាបានដោយរបៀបណា បើភាគីថៃនៅបន្តប្រកាន់ជំហរផ្អៀងផ្អង ចង់ខ្សែលើ និងគេងចំណេញលើកម្ពុជារហូតបែបនេះ..?

កាលពីថ្ងៃព្រហស្បតិ៍ទី១៧កញ្ញា ឆ្នាំ២០២៦ លោកឧបនាយករដ្ឋមន្ត្រី និងជារដ្ឋមន្ត្រីការបរទេសថៃ សីហស័ក្តិ ភួងកេតកែវ (สีหศักดิ์ พวงเกตุแก้ว) បានថ្លែងទាំងបំភ្លៃ និងគំរាមថា ប្រទេសថៃ នៅតែបន្តប្តេជ្ញាចិត្តយ៉ាងមុតមាំក្នុងការខណ្ឌសីមាព្រំដែនសមុទ្ទជាមួយប្រទេសកម្ពុជា ឱ្យបានច្បាស់លាស់ជាមុនសិន មុននឹងឈានទៅពិភាក្សាអំពីការអភិវឌ្ឍធនធានរួមគ្នា ឬការបែងចែកផលប្រយោជន៍។ លោកបានកុហកភូតភរទៀតថា ប្រទេសថៃ បានបកស្រាយ និងបង្ហាញពីជំហររបស់ខ្លួន ព្រមទាំងរៀបរាប់ពីការវិវឌ្ឍនានា ដែលបាននាំឱ្យប្រទេសទាំង២ ឈានដល់ដំណើរការសម្រុះសម្រួលនេះ។ «សម្រាប់ប្រទេសថៃ ការដោះស្រាយប្រកបដោយចីរភាព គឺមានន័យថា តម្រូវឱ្យមានការកំណត់ព្រំដែនសមុទ្ទឱ្យបានច្បាស់លាស់ជាមុនសិន» នេះជាសម្តីដ៏គឃ្លើន ពីសំណាក់ប្រមុខការទូតថៃ។ សូមជម្រាបថា ការលើកឡើងដោយការភូតភរកុហករបស់ លោក សីហស័ក្តិ កើតឡើង ក្រោយជំនួបលើកដំបូងរបស់គណៈកម្មការផ្សះផ្សារដោយបង្ខំ ក្រោមអនុសញ្ញាអង្គការសហប្រជាជាតិ ស្តីពីនីរតិសមុទ្ទ (UNCLOS) នៅប្រទេសសិង្ហបុរី បានបិទបញ្ចប់។

នេះជាការបង្ហាញឱ្យឃើញថា ប្រទេសថៃ នៅតែបន្តបំពានច្បាប់អន្តរជាតិ និងបន្តទាមទារលក្ខខណ្ឌ១០០ជំពូក ក្នុងចេតនាពន្យារពេល និងរារាំងកិច្ចសហប្រតិបត្តិការព្រំដែនសមុទ្ទ ដើម្បីដើរខ្សែលើកម្ពុជា និងចង់ក្រសោបយកធនធានសមុទ្ទដែលមានតម្លៃប្រហែលជាង៣០០ពាន់លានដុល្លារអាម៉េរិក បើទោះបីជាមេដឹកនាំរាជធានីភ្នំពេញ បង្ហាញឆន្ទៈទន់ភ្លន់ និងស្នើឱ្យមានការបែងចែកផលប្រយោជន៍ និងការអភិវឌ្ឍរួមគ្នា ជាបណ្តោះអាសន្នសិន ដើម្បីទាញយកធនធានរួមគ្នា។ មានមតិជាច្រើនលើកឡើងថា  ទង្វើ និងជំហររឹងរូសរបស់មេដឹកនាំរាជធានីបាងកក នាពេលនេះ កំពុងស្តែងឱ្យឃើញយ៉ាងច្បាស់ពីការខ្វះភាពស្មោះត្រង់ក្នុងជំនួបចរចា និងការបែងចែកព្រំដែនទឹក ទាញយកប្រេង និងឧស្ម័នធម្មជាតិ ក្នុងតំបន់ទាមទារត្រួតស៊ីគ្នាក្នុងសមុទ្ទ (OCA) ដើម្បីប្រយោជន៍សេដ្ឋកិច្ចនៃប្រទេសក្បែរខាងទាំង២៕(Sic)