រដ្ឋធានីវ៉ាស៊ីនតោន៖ ប្រធានាធិបតីសហរដ្ឋអាម៉េររិក លោក ដូណាល់ ត្រាំ កាលពីថ្ងៃពុធទី០២កញ្ញា បានប្រកាសអំពីយុទ្ធនាការវាយប្រហារជាថ្មីរបស់កងទ័ពសហរដ្ឋអាម៉េរិក ប្រឆាំងនឹងប្រទេសអ៊ីរ៉ង់ នឹងមិនបន្តអូសបន្លាយពេលវេលា«យូរ»នោះទេ។ នេះបើតាមទូរទស្សន៍របស់អារ៉ាប៊ីសាអូឌីត Al Arabiya News ចេញផ្សាយនៅព្រឹកថ្ងៃព្រហស្បតិ៍ទី៣កញ្ញានេះ...។
កងទ័ពសហរដ្ឋអាម៉េរិក និងកងឆ្មាំបដិវត្តន៍អ៊ិស្លាមអ៊ីរ៉ង់ បានចាប់ផ្ដើមវាយប្រហារគ្នាទៅវិញទៅមក ទ្រង់ទ្រាយធំជាលើកដំបូង ចាប់តាំងពីខែកក្កដារហូតមក។ សកម្មភាពភាគីជម្លោះទាំង២ កំពុងបង្កឱ្យមានភាពតានតឹងជាថ្មី នៅតំបន់មជ្ឈិមបូព៌ា។ លោកប្រធានាធិបតី ដូណាល់ ត្រាំ បានប្រាប់ដល់ក្រុមអ្នកសារព័ត៌មាន នៅក្នុងការិយាល័យពងក្រពើ (Oval Office) នៃសេតវិមាន ថា ប្រទេសអ៊ីរ៉ង់ កំពុងព្យាយាមផលិតគ្រាប់រ៉ុក្កែត ដែលមានសមត្ថភាពបាញ់គ្រាប់មីន ចូលទៅក្នុងសមុទ្ទ។ ប៉ុន្ដែកងទ័ពសហរដ្ឋអាម៉េរិក បានបំផ្លាញវាចោល។ បច្ចុប្បន្ន អ៊ីរ៉ង់កំពុងខិតខំស្តារប្រព័ន្ធរ៉ាដា និងប្រព័ន្ធមីស៊ីលរបស់ពួកគេឡើងវិញ ដែលប្រព័ន្ធរ៉ាដា និងមីស៊ីលទាំងនោះ ក៏ធ្លាប់ត្រូវកំណត់ជាគោលដៅ នៅក្នុងការវាយប្រហាររបស់សហរដ្ឋអាម៉េរិកផងដែរ។
លោក ដូណាល់ ត្រាំ បញ្ជាក់ថា៖«យើងបានបំផ្លាញរាល់ឧបករណ៍ថ្មីៗ ដែលអ៊ីរ៉ង់បានព្យាយាមផលិត នៅតាមបណ្តោយច្រកសមុទ្ទហ័រមូស (Hormuz)។ ប៉ុន្ដែខ្លះជាឧបករណ៍ការពារ និងខ្លះទៀតជាឧបករណ៍វាយប្រហារ..ហើយវាជាការវាយប្រហារដ៏ខ្លាំងក្លាមួយ កាលពីយប់មិញ។ យើងត្រៀមខ្លួនរួចរាល់ហើយ នៅក្នុងការវាយប្រហារម្ដងទៀត នៅពេលណាក៏បាន តាមអ្វីដែលយើងចង់ធ្វើ»៕
