រដ្ឋធានីវ៉ាស៊ីនតោន៖ ក្រសួងការបរទេសអាម៉េរិក បានប្រកាសនៅថ្ងៃសៅរ៍ទី៨ ខែសីហា ថា រដ្ឋបាលរបស់លោកប្រធានាធិបតី ដូណាល់ ត្រាំ មានគម្រោងផ្តល់ជំនួយផ្នែកសន្តិសុខចំនួន១ពាន់លានដុល្លារ ដល់រដ្ឋាភិបាលថ្មីនៃប្រទេសកូឡុំប៊ី។

សេចក្តីថ្លែងការណ៍របស់ក្រសួងការបរទេសអាម៉េរិកបានបញ្ជាក់ថា៖«ក្នុងនាមជាដៃគូជាមួយគ្នា សហរដ្ឋអាម៉េរិក មានបំណងប្រកាសផ្ដល់ជំនួយចំនួន១ពាន់លានដុល្លារ ជាផ្នែកមួយនៃកញ្ចប់សន្តិសុខ ដើម្បីគាំទ្រដល់រដ្ឋាភិបាលរបស់លោក ដេ ឡា អេសប្រ៊ីលឡា [ជាប្រធានាធិបតីថ្មីរបស់កូឡុំប៊ី]»។

សូមជម្រាបថា លោក ដេ ឡា អេសប្រ៊ីលឡា (Abelardo De La Espriella) បានស្បថចូលកាន់តំណែងប្រធានាធិបតីថ្មីរបស់កូឡុំប៊ី កាលពីថ្ងៃសុក្រទី៨ ខែសីហា។ លោក បានសន្យាថា នឹងបង្ក្រាបបទល្មើស និងស្តារសេដ្ឋកិច្ចឡើងវិញ។ ប្រធានាធិបតីអាម៉េរិក លោក ដូណាល់ ត្រាំ ធ្លាប់បានប្រកាសគាំទ្រដេ ឡា អេសប្រ៊ីលឡា ក្នុងកំលុងពេលយុទ្ធនាការបោះឆ្នោត៕