ទីក្រុងញូវយ៉ក៖ លោក កែវ ឈា ឯកអគ្គរាជទូត និងជាតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ នៅទីក្រុងញូវយ៉ក កាលពីថ្ងៃទី២៣ ខែកក្កដា ឆ្នាំ២០២៦ បានទទូចឱ្យអង្គការសហប្រជាជាតិ ចាត់វិធានការកាន់តែខ្លាំង លើការដោះស្រាយបញ្ហាព្រំដែនកម្ពុជា-ថៃ ដោយសន្តិវិធី…។

ការស្នើនោះមាន៤ចំណុច ដោយលោកចង់ឱ្យអង្គការសហប្រជាជាតិ៖ ទី១.ពង្រឹងតួនាទីរបស់អង្គការសហប្រជាជាតិ ក្នុងការបង្ការដោយវិធីសាស្ដ្រការទូត, ទី២.ត្រូវធានាថា ជម្លោះត្រូវបានដោះស្រាយតាមរយៈមធ្យោបាយសន្តិវិធី និងការអនុលោមតាមសេចក្តីសម្រេចរបស់តុលាការយុត្តិធម៌អន្តរជាតិ, ទី៣.ការពង្រឹងឯកភាព និងភាពមិនលម្អៀងរបស់ក្រុមប្រឹក្សា និងការដោះស្រាយផលប៉ះពាល់មនុស្សធម៌នៃជម្លោះព្រំដែនរបស់កម្ពុជា កំពុងបន្តកើតមាន ដែលមានជនស៊ីវិលជាង២ម៉ឺននាក់ នៅតែភៀសសឹក។ លោកបន្ថែមថា ព្រំដែន និងអធិបតេយ្យ មិនត្រូវផ្លាស់ប្ដូរដោយកម្លាំង ឬតាមរយៈការបង្កើតស្ថានភាពថ្មីនៅលើដីជាក់ស្តែងនោះទេ។ កម្ពុជានៅតែប្តេជ្ញាចិត្តឥតងាករេ ចំពោះការដោះស្រាយជម្លោះដោយសន្តិវិធី តាមរយៈការសន្ទនា ការទូត និងការគោរពច្បាប់អន្តរជាតិ។

គួរជ្រាបថា ចាប់ពីថ្ងៃទី២៤ ដល់ថ្ងៃទី២៧ ខែកក្កដា ឆ្នាំ២០២៥ ជាពេលដែលយោធាថៃបើកការឈ្លានពានដោយប្រដាប់អាវុធមកលើកម្ពុជា ដោយមិនខ្វល់ថា ទីតាំងទាំងនោះជាទីតាំងស៊ីវិល ជាទីសក្ការបូជាដ៏ពិសិដ្ឋរបស់ពុទ្ធបរិស័ទខ្មែរ ជាទីកន្លែងរស់នៅរបស់ប្រជាពលរដ្ឋ ឬជាមណ្ឌលផ្តល់សេវាសុខាភិបាល សម្រាប់សង្គ្រោះអាយុជីវិតមនុស្ស និងប្រាសាទទ្បើយ។ សកម្មភាពទាំងនេះ បានធ្វើឱ្យពលរដ្ឋមួយចំនួនមិនទាន់អាចត្រទ្បប់ទៅផ្ទះវិញបានទេ៕