រាជធានីភ្នំពេញ៖ ជប៉ុន ផ្តល់ហិរញ្ញប្បទានឥតសំណងប្រមាណ ២,៨លានដុល្លារអាម៉េរិកបន្ថែម ដល់កម្ពុជា សម្រាប់គម្រោងអាហារូបករណ៍អភិវឌ្ឍន៍ធនធានមនុស្ស...។ 

លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា និងលោក អ៊ូអ៊ិណុ អាតស៊ូហ្ស៊ី (UENO Atsushi) ឯកអគ្គរាជទូតជប៉ុន បានចុះហត្ថលេខាលើឯកសារពាក់ព័ន្ធ ស្តីពីការផ្តល់ និងការទទួលហិរញ្ញប្បទានឥតសំណងនេះ។ តាមរយៈគម្រោងនេះ មន្ត្រីរាជការវ័យក្មេងកម្ពុជា នឹងទទួលបានឱកាសបន្តការសិក្សាថ្នាក់ក្រោយឧត្តមសិក្សា (រួមមាន ថ្នាក់អនុបណ្ឌិត ឬបណ្ឌិត) នៅតាមសាកលវិទ្យាល័យល្បីៗក្នុងប្រទេសជប៉ុន ដើម្បីពង្រឹងសមត្ថភាពវិជ្ជាជីវៈ និងការដឹកនាំក្នុងវិស័យសាធារណៈ។

បើតាមក្រសួងការបរទេស ការផ្តល់ហិរញ្ញប្បទានឥតសំណងនេះ បង្ហាញពីការប្តេជ្ញាចិត្តយ៉ាងមុតមាំរបស់រាជរដ្ឋាភិបាលជប៉ុន ក្នុងការគាំទ្រការអភិវឌ្ឍធនធានមនុស្ស ជំរុញការអភិវឌ្ឍសង្គម និងសេដ្ឋកិច្ចប្រកបដោយចីរភាពនៅកម្ពុជា ព្រមទាំងពង្រឹងបន្ថែមនូវភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា និងជប៉ុនឱ្យកាន់តែរឹងមាំ៕