រាជធានីភ្នំពេញ៖ មនុស្ស៣នាក់ត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ ក្រោយជួបហេតុការណ៍ផ្ទុះហ្កាសម៉ាស៊ីនត្រជាក់ កំលុងពេលជួសជុល ក្នុងហាងសាច់អាំងបែបជប៉ុនលើបណ្តោយផ្លូវលេខ៣២២ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ នៅថ្ងៃទី២០ ខែមិថុនា ឆ្នាំ២០២៦ ....។

ប្រភពព័ត៌មានពីកន្លែងកើតហេតុបានឱ្យដឹងថា​ ដំបូងឡើយមានបុរស៣នាក់ ដែលជាក្រុមជាងជួសជុលម៉ាស៊ីនត្រជាក់ប្រចាំហាង បានមកពិនិត្យម៉ាស៊ីនត្រជាក់នៅខាងក្រោយ​​​​​​​​។ សង្ស័យខុសបច្ចេកទេស! ភ្លាមៗនោះ ក៏ស្រាប់តែផ្ទុះហ្កាសម៉ាស៊ីនត្រជាក់ បណ្ដាលឱ្យរបួសធ្ងន់២នាក់ និងម្នាក់​ទៀតរងរបួសស្រាល​ ប៉ុន្តែមិនបង្កការឆាបឆេះឡើយ។ សមត្ថកិច្ចមូលដ្ឋាន រួមជាមួយមន្រ្តីជំនាញអគ្គិភ័យ​នៃស្នងការដ្ឋាននគរបាលរាជធានីភ្នំពេញ បាន​ធ្វើកំណត់ហេតុ និងសាកសួរព័ត៌មានបន្ថែមជុំវិញហេតុការណ៍ខាងលើនេះ៕