សុខភាព៖ ស្ត្រីដែលទើបសម្រាលកូន មិនអាចទទួលទានអាហារគ្រប់មុខដូចស្រី្តធម្មតាទេ ព្រោះក្រោយសម្រាលត្រូវពិសាអាហារល្អៗ ដែលមានសារធាតុចិញ្ចឹមខ្ពស់ដើម្បីជួយរាងកាយ និងអារម្មណ៍ឱ្យឆាប់វិលត្រលប់មករកសភាពដើមវិញ។ ខាងក្រោមនេះ ជាអាហារដែលមានសារធាតុចិញ្ចឹមល្អសម្រាប់ក្រោយឆ្លងទន្លេរួច…។
១.ផ្លែប័រ៖ ផ្លែប័រ ជួយផ្ដល់ថាមពលយ៉ាងច្រើនដល់រាងកាយ ក៏ដូចជាជួយឱ្យមានអារម្មណ៍ឆ្អែតបានយូរ។ ជួយបង្កើនគុណភាពការផលិតទឹកដោះម្ដាយ ព្រោះជាតិសរសៃ អាស៊ីដខ្លាញ់អូមេហ្គា៣ និងសារធាតុអុកស៊ីតកម្មរលាយក្នុងខ្លាញ់ (fat-soluble antioxidants)។ ២.គ្រាប់រីករាយ (Pistachios)៖ គ្រាប់រីករាយ ជាអាហារសម្រន់ដែលមានប្រូតេអ៊ីនខ្ពស់បំផុត ដែលមានប្រូតេអ៊ីនពេញលេញចំនួន៦ក្រាម ហើយវាអាចជួយដល់រាងកាយ ទទួលបានអាស៊ីដអាមីណូសំខាន់ៗផងដែរ។ លើសពីនេះ ក៏ជាប្រភពនៃជាតិសរសៃ និងខ្លាញ់មិនឆ្អែត។ ៣.ដំឡូងជ្វា៖ ដំឡូងជ្វា ជាកាបូអ៊ីដ្រាតមានរសជាតិផ្អែមពីធម្មជាតិ អាចជួយឱ្យមានអារម្មណ៍រីករាយ និងផ្ដល់ថាមពលសម្រាប់ការបំបៅដោះកូន។ មួយវិញទៀត ជាប្រភពអស្ចារ្យនៃវីតាមីនC និងអុកស៊ីតកម្ម បេតាការ៉ូទីន។
៤.តៅហ៊ូ៖ តៅហ៊ូ គឺជាប្រភពនៃប្រូតេអ៊ីនសារធាតុចិញ្ចឹមសំខាន់ៗ ដែលមានផ្ទុកសារធាតុកូលីន (choline) និងទ្បៃសិន (lysine) ដែលពិបាករកនៅក្នុងរបបអាហារប្រភេទរុក្ខជាតិ។ សារធាតុកូលីន មានសារសំខាន់សម្រាប់កោសិកាដែលមានសុខភាពល្អ និងការលូតលាស់ខួរក្បាលរបស់ទារក តែរាងកាយម្តាយអាចផលិតវាបានតិចតួចប៉ុណ្ណោះ។ សារធាតុនេះ ត្រូវបានបញ្ជូនទៅកាន់ទារកតាមរយៈទឹកដោះម្ដាយ ដូច្នេះហើយការពិសាតៅហ៊ូជាវិធីសាស្ដ្រល្អបំផុត ក្នុងការបំពេញសារធាតុកូលីន និងទ្បៃសិន៕ អត្ថបទដកស្រង់ពី៖ Hello គ្រូពេទ្យ
