សុខភាព៖ លើសពីយកមកធ្វើម្ហូប ការ៉ុត ក៏អាចយកមកធ្វើជាម៉ាសដែលជួយដល់ស្បែកឱ្យភ្លឺថ្លា ក៏ដូចជាទន់រលោងម៉ត់ស្អាត ដោយគ្រាន់តែបិទម៉ាសការ៉ុត២ដងក្នុងមួយសប្ដាហ៍នោះនឹងទទួលបានប្រសិទ្ធភាព ដូចដែលបានរៀបរាប់ខាងក្រោយ...។
១.ផ្ដល់សំណើមដល់ស្បែក៖ ការ៉ុតសម្បូរទៅដោយប៉ូតាស្យូម ដែលមានប្រសិទ្ធភាពខ្ពស់ក្នុងការបំបាត់ភាពស្ងួតនៃស្បែក ថែបំប៉ន ក៏ដូចជាផ្ដល់សំណើមដល់ស្បែក។ ២.ជួយឱ្យស្បែកភ្លឺថ្លា៖ ម៉ាសការ៉ុត អាចជួយឱ្យស្បែកមុខភ្លឺថ្លា ដោយសារតែវាផ្ទុកសារធាតុ Beta carotene វីតាមីន C វីតាមីន K និងជាតិសរសៃខ្ពស់។ លើសពីនេះ សារធាតុចិញ្ចឹមទាំងអស់នេះ ក៏អាចជួយឱ្យស្បែកទន់រលោង និងកម្ចាត់រាល់បញ្ហាស្បែកមួយចំនួនដែរ។ ៣.ការពារកម្ដៅថ្ងៃ និងពន្យារភាពចាស់៖ សារធាតុ Beta-carotene និង Carotenoids នៅក្នុងការ៉ុត អាចការពារប្រឆាំងនឹងកាំរស្មី UVA និងអាចកម្ចាត់ការរលាកដោយកម្ដៅថ្ងៃថែមទៀតផង។
ម្យ៉ាងទៀត ម៉ាសធម្មជាតិមួយប្រភេទនេះ ក៏សក្តិសមសម្រាប់គ្រប់ប្រភេទស្បែក មិនថាស្បែកខ្លាញ់ ស្បែកចាស់ជ្រីវជ្រួញ ស្បែកងាយកើតមុន ស្បែកស្ងួត និងស្បែកងាយប្រតិកម្ម។ ៤.រារាំងការផលិតជាតិខ្លាញ់៖ ម៉ាសការ៉ុត អាចជួយឱ្យស្បែកគ្មានស្លាកស្នាម ជួយឱ្យស្បែកក្មេងជាងវ័យ និងកម្ចាត់ចោលកោសិកាងាប់របស់ស្បែក។ វីតាមីនA នៅក្នុងការ៉ុត អាចជួយកាត់បន្ថយការផលិតជាតិខ្លាញ់ដែលលើស និងរក្សាស្បែកឱ្យនៅស្រស់ថ្លា និងគ្មានជាតិពុល។ មួយវិញទៀត ម៉ាសការ៉ុត ក៏អាចជួយរក្សាជាតិទឹកនៃស្បែក និងជួយកម្ចាត់បាក់តេរីលើស្បែកដែលអាចនាំឱ្យមានការបង្ករោគនៃស្បែក៕
អត្ថបទដកស្រង់ពី៖ Hello គ្រូពេទ្យ
