រាជធានីភ្នំពេញ៖ កន្លះខែមកនេះ ពោលគឺគិតចាប់ពីថ្ងៃទី១ដល់ថ្ងៃទី១៥ ខែមីនា ឆ្នាំ២០២៦ មានករណីគ្រោះថ្នាក់ចរាចរណ៍ផ្លូវគោកទូទាំងប្រទេស កើតឡើងសរុបចំនួន៩២ករណី។ នេះបើតាមរបាយការណ៍ក្រសួងមហាផ្ទៃ...។

របាយការណ៍បានបង្ហាញថា គ្រោះថ្នាក់ចរាចរណ៍ទាំង៩២ករណី បានបណ្ដាលឱ្យមានមនុស្សចំនួន៤៧នាក់ បានស្លាប់ និងរងរបួសធ្ងន់ស្រាលចំនួន១១៧នាក់។ គ្រោះថ្នាក់ចរាចរណ៍ទាំងអស់ កើតឡើងនៅក្នុងមូលដ្ឋានរាជធានីភ្នំពេញ-ខេត្តចំនួន២១ នៅទូទាំងប្រទេស លើកលែងតែខេត្តព្រៃវែង, កែប, តាកែវ និងខេត្តប៉ៃលិនប៉ុណ្ណោះ។

គួររំលឹកថា កាលពីខែកុម្ភៈ ឆ្នាំ២០២៦ កន្លងទៅ មានហេតុការណ៍គ្រោះថ្នាក់ចរាចរណ៍ផ្លូវគោក កើតឡើងចំនួន២០២ករណី បណ្ដាលឱ្យមានមនុស្សស្លាប់ចំនួន១៧០នាក់ និងរងរបួសធ្ងន់ស្រាលចំនួន៤១៧នាក់។ ដោយឡែក រយៈពេលពេញមួយឆ្នាំ២០២៥ អ្នកស្លាប់ដោយសារគ្រោះថ្នាក់ចរាចរណ៍ចំនួន១៤០០នាក់ និងរងរបួសជាង៣០០០នាក់ ហើយភាគច្រើនជាអ្នកធ្វើដំណើរនៅពេលយប់ និងធ្វើដំណើរដោយម៉ូតូ៕