រាជធានីភ្នំពេញ៖ បន្ទប់ពិគ្រោះជំងឺចំនួន២ ស្ថិតក្នុងសង្កាត់ទឹកថ្លា ខណ្ឌសែនសុខ ត្រូវបានបិទជាស្ថាពរ ក្រោយអាជ្ញាធរជំនាញរកឃើញម្ចាស់ទីតាំងគ្មានលិខិតអនុញ្ញាតក្នុងការប្រកបវិជ្ជាជីវៈ...។

តាមរយៈសេចក្ដីប្រកាសចំនួន២ផ្សេង នាថ្ងៃទី១៣ ខែមីនា ឆ្នាំ២០២៦នេះ មន្ទីរសុខាភិបាលរាជធានីភ្នំពេញ បានសម្រេចបិទ បន្ទប់ពិគ្រោះជំងឺដែលមានយីហោសុទ្ធសឹងជាភាសាចិន និងបន្ទប់ពិគ្រោះជំងឺមាត់-ធ្មេញ យីហោ តាំង ប៊ុនហេង មានម្ចាស់ឈ្មោះ ឡុត ស្រីតុន ក្រោមហេតុផល គ្មានលិខិតអនុញ្ញាត។ ទោះយ៉ាងណា ជុំវិញរយៈពេលនៃការលបលួចបើកមន្ទីរពេទ្យទាំង២ខាងលើ ដោយខុសច្បាប់ចាប់តាំងពីពេលណាមកនោះ មិនត្រូវបានមន្ទីរសុខាភិបាលរាជធានីភ្នំពេញទម្លាយចេញមកក្រៅនោះទេ៕