សុខភាព៖ បាយដំណើប (Sticky Rice or Glutinous Rice) មានក្លិនមិនខុសពីបាយប្រភេទផ្សេងទៀតទ្បើយ ប៉ុន្ដែវាមានលក្ខណៈស្អិតជាង ព្រោះបាយដំណើប មានសមាសធាតុគីមី Amylopectin យ៉ាងច្រើន។ នៅក្នុងបាយដំណើប មានសារធាតុបំប៉នជាច្រើន ដូចជា ប្រូតេអ៊ីន វីតាមីន B ម៉ាញេស្យូម សង្គសី សេឡេញ៉ូម ទង់ដែង និងជាតិសរសៃ មួយវិញទៀត សឹងតែគ្មានជាតិកូលេស្តេរ៉ូល និងខ្លាញ់។ ទាំងនេះហើយបានជាការបរិភោគបាយដំណើប ទទួលបានគុណប្រយោជន៍ទាំង៥យ៉ាង ដូចខាងក្រោម...។
១.ការពារជំងឺបេះដូង៖ បាយដំណើប គ្មានជាតិខ្លាញ់ និងកូលេស្ដេរ៉ូល ដូច្នេះការទទួលទានបាយដំណើបច្រើន មិនបណ្ដាលឱ្យលើសឈាម មានបញ្ហាបេះដូង និងឡើងទម្ងន់នោះទេ។ ២.ប្រឆាំងជំងឺរ៉ាំរ៉ៃ៖ សេឡេញ៉ូម វីតាមីន និងសារធាតុរ៉ែ ក្នុងបាយដំណើប ជួយជំរុញសារធាតុប្រឆាំងអុកស៊ីតកម្ម នៅក្នុងរាងកាយដែលវាអាចកាត់បន្ថយហានិភ័យនៃជំងឺរ៉ាំរ៉ៃ និងកាត់បន្ថយស្ត្រេសនៅក្នុងរាងកាយ។
៣.ប្រឆាំងជំងឺទឹកនោមផ្អែម៖ ជាតិកាកសរសៃ នៅក្នុងបាយដំណើប អាចជួយកាត់បន្ថយហានិភ័យ នៃជំងឺទឹកនោមផ្អែម និងគ្រប់គ្រងការបញ្ចេញអាំងស៊ុយលីន និងគ្លុយកូស នៅក្នុងរាងកាយ។ ៤.ប្រឆាំងការរលាក៖ សារធាតុទង់ដែង ស័ង្កសី និងវីតាមីន B នៅក្នុងបាយដំណើប អាចជួយបង្កើនប្រព័ន្ធការពារ ដែលអាចកាត់បន្ថយការរលាក និងការឆ្លងមេរោគទៅក្នុងរាងកាយ។ ៥.បង្កើនដង់ស៊ីតេឆ្អឹង៖ បរិមាណរ៉ែច្រើន នៅក្នុងបាយដំណើប អាចជួយឱ្យឆ្អឹងរឹងមាំ និងកាត់បន្ថយជំងឺពុកឆ្អឹង។ ដូច្នេះក្នុងរបបអាហារប្រចាំថ្ងៃគួរមានបាយដំណើប៕ ដកស្រង់ចេញពី៖ Hello គ្រូពេទ្យ
