សុខភាព៖ នៅពេលឈឺអញ្ចាញធ្មេញ វាអាចជាសញ្ញាមួយបញ្ជាក់ថា ក្នុងរាងកាយកំពុងមានបញ្ហាសុខភាព។ ខាងក្រោមនេះ ជាជំងឺដែលអាចធ្វើឱ្យមានរោគសញ្ញ ឈឺអញ្ចាញធ្មេញញឹកញាប់…។
១.ជំងឺទឹកនោមផ្អែម៖ នៅពេលមានជំងឺទឹកនោមផ្អែម អាចនាំឱ្យមានការវិវត្តទៅជាជំងឺអញ្ចាញធ្មេញ ក្នុងនោះ ជំងឺទឹកនោមផ្អែមប្រភេទ២ភាគច្រើន។ ដូច្នេះ បើមានអាការបែបនេះ គួរទៅមន្ទីរពេទ្យ ដើម្បីពិគ្រោះជាមួយគ្រូពេទ្យ។ ២.ការធ្លាក់ចុះការយល់ដឹង៖ ការសិក្សាមួយចំនួន បានរកឃើញថា ជំងឺអញ្ចាញធ្មេញ ការបាក់ធ្មេញ និងមុខងារនៃការយល់ដឹងមានទំនាក់ទំនងគ្នា។ ជាទូទៅ ជំងឺអញ្ចាញធ្មេញ គឺមានការទាក់ទងនឹងការកើនឡើងនៃការផ្ទុកជំងឺបេតាអាមីឡូអ៊ីតនៅក្នុងខួរក្បាល ដែលជាហេតុនាំឱ្យមានជំងឺវង្វេងវង្វាន់។
៣.ជំងឺបេះដូង៖ ការស្រាវជ្រាវចេញផ្សាយនៅក្នុងទស្សនាវដ្ដី BMJ Open បានរកឃើញថា អ្នកដែលមានជំងឺអញ្ចាញធ្មេញមានហានិភ័យខ្ពស់នៃជំងឺខ្សោយបេះដូង គ្រោះថ្នាក់សរសៃឈាមខួរក្បាល ជំងឺវង្វេង កង្វះរំហូរឈាមទៅខួរក្បាល រលាកប្រព័ន្ធសរសៃឈាមបេះដូង។ ជាក់ស្ដែង បាក់តេរី អាចជាមូលហេតុនៃទំនាក់ទំនងរវាងជំងឺបេះដូង និងជំងឺអញ្ចាញធ្មេញ។ តែយ៉ាងណា អ្នកស្រាវជ្រាវថា ត្រូវការ ការស្រាវជ្រាវបន្ថែម ដើម្បីយល់ដឹងកាន់តែច្បាស់ពីទំនាក់ទំនងនេះ៕ អត្ថបទដកស្រង់៖ Hello គ្រូពេទ្យ
