សុខភាព៖ កោសិកាស្បែកចាស់ៗ កើតឡើងបណ្ដាលមកពីកម្តៅថ្ងៃ ការលាងសម្អាត ឬជម្រុះកោសិកាមិនគ្រប់គ្រាន់ ជាតិពុលពីបរិយាកាស និងកត្តាវ័យកាន់តែច្រើន។ ស្បែកនេះចែកចេញជាពីរប្រភេទរួមមាន ស្បែកស្ងួត និងធម្មតា ហើយចំពោះការជម្រុះកោសិកាស្បែកជាប្រចាំ មានសារសំខាន់ណាស់ អាចជួយឱ្យស្បែកភ្លឺថ្លា លាបផលិតផលឆាប់ចូល បង្ការបញ្ហាស្ទះរន្ធរោម និងជួយបញ្ចៀសជំងឺស្បែកផ្សេងៗ។
ដើម្បីជម្រុះកោសិកាឱ្យបានស្អាត អាចសាកធ្វើម៉ាសមុខធម្មជាតិដោយ រូបមន្តសម្រាប់អ្នកស្បែកស្ងួត មានដូចជា៖ ផ្លែប័រទុំកិនឱ្យម៉ត់ល្អ១ផ្លែ ទឹកឃ្មុំ១ស្លាបព្រាបាយ ប្រេងអូលីវ១ស្លាបព្រាបាយ។ វិធីធ្វើ៖ លាយគ្រឿងផ្សំទាំង៣មុខបញ្ចូលគ្នាកូរឱ្យសព្វ រួចលាបនៅលើមុខ និង-ក ទុកចោលរយៈពេល១៥ទៅ២០នាទី បន្ទាប់មកម៉ាស្សាថ្នមៗ ដើម្បីជម្រុះកោសិកាចេញ ហើយលាងជម្រះជាមួយនឹងទឹកក្ដៅឧណ្ហៗ។ បន្ទាប់មកត្រូវផ្តល់សំណើមដល់ស្បែក ដោយលាបទ្បេផ្តល់សំណើមជាការស្រេច។
ដោយទ្បែក សម្រាប់អ្នកមានស្បែកធម្មតា
មានដូចជា៖ ម្សៅ Oatmeal ដែលកិនម៉ត់១ស្លាបព្រាបាយ ទឹកដោះគោជូរ១ស្លាបព្រាបាយ ទឹកឃ្មុំ១ស្លាបព្រាបាយ។
វិធីធ្វើ៖ លាយគ្រឿងផ្សំបញ្ចូលគ្នានៅក្នុងកូនចានមួយ ច្របល់ឱ្យសព្វហើយលាបនៅលើផ្ទៃមុខ
ទុកចោលប្រហែល១៥ទៅ២០នាទី ជាមួយនឹងការម៉ាស្សាថ្នមៗជារង្វង់
រួចលាងជម្រះចេញបន្ទាប់មក លាបក្រែមផ្តល់សំណើមដល់ស្បែកជាការស្រេច។ គួរដឹងដែរថា ទឹកឃ្មុំ
ជាភ្នាក់ងារកម្ចាត់បាក់តេរី និងជួយផ្តល់សំណើមដល់ស្បែកបានយ៉ាងល្អ។
រីឯម្សៅ Oatmeal គឺជាភ្នាក់ងារជម្រុះកោសិកាស្បែក
យ៉ាងមានប្រសិទ្ធភាព ដោយមិនធ្វើឱ្យរលាកស្បែកនោះទេ។ បើនិយាយពី ទឹកដោះគោជូរវិញ មានផ្ទុកអាស៊ីដឡាក់ទិក
(lactic acid) ដើរតួនាទីជួយជម្រុះកោសិកា និងផ្តល់សំណើមដល់ស្បែក៕
អត្ថបទដកស្រង់៖ Hello គ្រូពេទ្យ
