រដ្ឋធានីសេអ៊ូល៖ ឧទ្ធម្ភាគចក្រវាយប្រហារប្រភេទ AH-1S Cobra របស់កងទ័ពកូរ៉េខាងត្បូង បានធ្លាក់នៅថ្ងៃចន្ទថ្ងៃទី៩ ខែកុម្ភៈនេះ ក្នុងអំឡុងពេលហោះហើរហ្វឹកហាត់នៅភាគខាងជើងនៃស្រុកហ្គែបយឹង (Gapyeong) ដោយបានសម្លាប់យោធាហ្វឹកហ្វឺនទាំង២នាក់នៅលើនោះ។ នេះបើយោងតាមមន្រ្តីយោធា...។
មន្រ្តីបានបញ្ជាក់ថា ឧទ្ធម្ភាគចក្របានធ្លាក់ភ្លាមៗ ប៉ុន្តែមូលហេតុនៅមិនទាន់ដឹងច្បាស់។ យោធាហ្វឹកហ្វឺនទាំង២នាក់នោះ ត្រូវបានបញ្ជូនទៅកាន់មន្ទីរពេទ្យក្បែរនោះ ប៉ុន្តែក្រោយមកត្រូវបានដាច់ខ្យល់ស្លាប់។ កងទ័ពបានផ្អាកប្រតិបត្តិការឧទ្ធម្ភាគចក្រ AH-1S ទាំងអស់ បន្ទាប់ពីហេតុការណ៍នេះបានកើតឡើង ហើយពួកគេក៏បានបង្កើតក្រុមឆ្លើយតបបន្ទាន់មួយ ដើម្បីស៊ើបអង្កេតមូលហេតុនៃការធ្លាក់នេះ។ គួរបញ្ជាក់ថា ការហ្វឹកហាត់នេះពាក់ព័ន្ធនឹងការអនុវត្តនីតិវិធីចុះចតបន្ទាន់ ដោយមិនបិទម៉ាស៊ីន៕
