ទីក្រុងហ្សឺណែវ៖ មនុស្ស​ជា​ច្រើន​នាក់​បាន​ស្លាប់ និង​អ្នក​ផ្សេង​ទៀត​រង​របួស នៅ​ក្នុងហេតុការណ៍​ផ្ទុះ​នៅកន្លែង​ជិះស្គី​ដ៏​ប្រណិត Alpine ក្នុងទីក្រុង Crans Montana នៃប្រទេសស្វីស។ នេះបើតាមប៉ូលិស​​អះអាង​នៅ​ព្រឹក​ថ្ងៃ​ព្រហស្បតិ៍ទី១ ខែមករា ឆ្នាំ២០២៦...។

លោក ហ្គែរតាន់ ឡាត់ហ៊ាន (Gaetan Lathion) អ្នកនាំពាក្យប៉ូលិសនៅតំបន់ Wallis canton ភាគនិរតីនៃប្រទេសស្វីស បានប្រាប់ AFP ថា៖«មានករណីផ្ទុះ[..]។ មាន​អ្នក​របួស​ជា​ច្រើន​នាក់ និង​អ្នក​ស្លាប់​ជា​ច្រើន​នាក់»។ ការផ្ទុះនេះ បានកើតឡើងនៅម៉ោងប្រហែល១ៈ៣០នាទីព្រឹក នាថ្ងៃទី១ ខែមករា ឆ្នាំ២០២៦។ រូបភាពប្រព័ន្ធផ្សព្វផ្សាយ បានបង្ហាញពីអគារមួយកំពុងឆេះយ៉ាងសន្ធោសន្ធៅ ខណៈក្រុមអ្នកសង្គ្រោះបន្ទាន់ កំពុងនៅក្បែរនោះ៕