សុខភាព៖ រោគសញ្ញាទូទៅមួយចំនួននៃជំងឺទឹកនោមផ្អែម មានដូចជា នោមញឹកញាប់ ស្រកទម្ងន់ភ្លាមៗ ឃ្លាន ស្ពឹកដៃឬជើង ស្បែកស្ងួត ការឆ្លងមេរោគ និងមានអាការអស់កម្លាំងរ៉ាំរ៉ៃ។ លើសពីនេះ ជំងឺទឹកនោមផ្អែម ក៏អាចជះឥទ្ធិពលដល់ភ្នែកផងដែរ។ ក្នុងនោះ បើសិនលោកអ្នកមានរោគសញ្ញា៤យ៉ាងខាងក្រោមនេះ អាចបញ្ជាក់ថា លោកអ្នកមានជំងឺទឹកនោមផ្អែមហើយ...។
១.ភ្នែកហត់នឿយរ៉ាំរ៉ៃ៖ ធ្វើការរយៈពេលយូរម៉ោង អាចធ្វើឱ្យភ្នែកហត់នឿយ វាក៏អាចបង្ហាញពីសញ្ញានៃបញ្ហាធ្ងន់ធ្ងរផងដែរ។ ការចំណាយពេលច្រើនម៉ោងនៅមុខអេក្រង់កុំព្យូទ័រ ឬការអានអក្សរតូចៗ អាចបណ្ដាលឱ្យភ្នែកហត់នឿយដូចគ្នា ប៉ុន្តែប្រសិនបើអាការនេះមិនបាត់ទៅវិញភ្លាមៗ ឬប្រសិនបើមានរយៈពេល៣ថ្ងៃ ឬយូរជាងនេះ រាងកាយអាចនឹងមានជំងឺទឹកនោមផ្អែម។ ២.មិនអាចផ្ដោតអារម្មណ៍៖ អាការព្រិលភ្នែកអាចកើតមាន ពេលដែលលោកអ្នកចំណាយពេលច្រើននៅមុខអេក្រង់កុំព្យូទ័រ ឬអានអក្សរតូចៗ ប៉ុន្តែពេលខ្លះក៏អាចបង្ហាញថា រាងកាយកំពុងមានបញ្ហាសុខភាពធ្ងន់ធ្ងរដូចគ្នា។ ដូច្នេះ យកល្អគួរទៅមន្ទីរពេទ្យពិនិត្យរកមើលជំងឺទឹកនោមផ្អែម ទើបជាការប្រសើរ។
៣.ភ្នែករំញោចនឹងពន្លឺ៖ ការឆ្លងមេរោគ ការរហែកកញ្ចក់ភ្នែក ឬជំងឺមួយចំនួន ដូចជាជំងឺរលាកស្រោមខួរ អាចធ្វើឱ្យភ្នែកមានរំញោចខ្លាំងជាមួយនឹងពន្លឺជាងធម្មតា។ ក្នុងករណីដែលមានអាការបែបនេះ ហើយមិនបាត់ទៅវិញនៅក្នុងរយៈពេលខ្លី គួរទៅពិគ្រោះយោបល់ជាមួយនឹងគ្រូពេទ្យជំនាញ ដើម្បីរកមើលជំងឺទឹកនោមផ្អែម។ ៤.ព្រិលភ្នែក៖ ជំងឺទឹកនោមផ្អែម បង្ហាញឱ្យដឹងថា កម្រិតជាតិគ្លុយកូសក្នុងខ្លួនខ្ពស់ពេក ឬទាបពេក។ នៅពេលដែលកើតជំងឺនេះ សារធាតុរាវហូរចូលទៅក្នុងកែវភ្នែក ដែលអាចបណ្ដាលឱ្យព្រិលភ្នែក បង្កឱ្យកែវភ្នែកឡើងហើម និងផ្លាស់ប្ដូររូបរាង។ មួយវិញទៀត ការផ្លាស់ប្ដូរនេះ ក៏អាចធ្វើឱ្យភ្នែកពិបាកផ្ដោតអារម្មណ៍ និងមើលមិនសូវច្បាស់៕
ដកស្រង់ពី៖ Hello គ្រូពេទ្យ
