សុខភាព៖ មនុស្សម្នាក់ៗក្រៅពីរៀន និងធ្វើការងារមុខកុំព្យូទ័រ ក៏ចំណាយពេលរាប់ម៉ោងលើទូរសព្ទ គួបផ្សំបរិស្ថានខ្យល់ពុលដែលបានបំភាយចេញពីយានយន្តនានា កម្ដៅថ្ងៃ និងរបបអាហារមិនត្រឹមត្រូវ ធ្វើឱ្យភ្នែកប្រែពីថ្លាឆ្វង់ទៅជាល្អក់ លឿងបណ្ដើរៗ ហេតុនេះ ត្រូវចេះការពារភ្នែកឱ្យបានល្អ។ ចំពោះវិធីជួយភ្នែកងាយៗ ដោយគ្រាន់តែទទួលទានអាហារ៥ប្រភេទ ដូចដែលបានជម្រាបជូនខាងក្រោម នោះលោកអ្នកនឹងទទួលបានភ្នែកភ្លឺច្បាស់វិញមិនខាន...។
១.ការ៉ុត៖ ការ៉ុត ប្រមូលផ្តុំដោយវីតាមីនសារធាតុរ៉ែខនិជ និងជាតិបេតាការ៉ូតែន (Beta-carotene) ជាប្រភេទវីតាមីន A។ សារធាតុទាំងនេះ រួមចំណែកយ៉ាងច្រើនចំពោះសុខភាពភ្នែក ការពារគំហើញ ជួយរេទីនភ្នែក និងជំរុញផ្នែកដទៃទៀតនៃភ្នែកឱ្យដំណើរការបំពេញមុខងារបានត្រឹមត្រូវ។ ដូច្នេះ គួរមានទម្លាប់ទទួលទានការ៉ុត ឬទឹកការ៉ុតប្រចាំថ្ងៃ ដើម្បីភ្នែកភ្លឺថ្លាល្អ។ ២.គ្រាប់ធញ្ញជាតិសម្រូប៖ ការទទួលទានគ្រាប់ធញ្ញជាតិសម្រូប ឬ Whole Grains ល្អសម្រាប់ភ្នែក ព្រោះវាមានផ្ទុកជាតិស្ករគ្លុយកូស ដែលមានប្រសិទ្ធភាពបន្ថយហានិភ័យជំងឺខូចពណ៌នៃរេទីនភ្នែកពេលចាស់ទៅ។ ៣.គ្រាប់អាល់ម៉ុន៖ គ្រាប់អាល់ម៉ុន ជាអាហារជំនួសដ៏ល្អសម្រាប់អាហារគ្មានប្រយោជន៍ផ្សេងៗ។ បរិភោគគ្រាប់អាល់ម៉ុន៣០ក្រាមក្នុងមួយថ្ងៃ បង្កើនវីតាមីន E ជួយការពារភ្នែក។
៤.ខ្លាញ់ត្រី៖ អាស៊ីដខ្លាញ់អូមេហ្គា៣
មានអត្ថប្រយោជន៍យ៉ាងច្រើនសម្រាប់ស្បែកសក់ សុខភាពទូទៅ
ជាពិសេស ជួយការពារប្រឆាំងចង្កោមរោគសញ្ញាស្ងួតភ្នែក ជំងឺខូចរ៉េទីនភ្នែក
និងភ្នែកឡើងបាយ។ អាស៊ីដខ្លាញ់អូមេហ្គា៣ មាននៅក្នុងពពួកត្រីសមុទ្ទ ដូចជា សាឌីន
(Sardines)
ត្រី Mackerel ត្រីធូណា (Tuna) ត្រីសាលម៉ុន (Salmon) និងត្រីត្រៅ (Trout)។ ៥.បន្លែស្លឹកបៃតង៖ បន្លែស្លឹកបៃតង មិនគ្រាន់តែមានប្រយោជន៍សម្រាប់ស្បែក
និងប្រព័ន្ធរំលាយអាហារប៉ុណ្ណោះទេ ថែមទាំងរក្សាភ្នែកឱ្យនៅភ្លឺ
និងថ្លាស្រឡះ។ បន្លែបៃតងមានជាតិ Zeaxanthin និងលុយតេអ៊ីន
(Lutein) សារធាតុប្រឆាំងអុកស៊ីតកម្ម
កាត់បន្ថយ ជំងឺខូចទ្រុឌទ្រោមចំណុចពណ៌លឿងរបស់រេទីនភ្នែក
និងភ្នែកឡើងបាយ។ បន្លែបៃតង មានដូចជា ស្ពៃខាល
(kale) ផ្កាខាត់ណាបៃតង ស្ពៃពួយឡេង ខាត់ណាស្លឹក
ផ្លែប៊័រ គ្រាប់សណ្ដែកបារាំង៕
ដកស្រង់ពី៖ Hello
គ្រូពេទ្យ
