សុខភាព៖ មូលហេតុនាំឱ្យជ្រុះសក់ មកពីហ្សែនពីកំណើត និងបណ្ដាលមកពីការធ្វេសប្រហែសបណ្តោយឱ្យស្បែកក្បាលគ្មានសុខភាពល្អ។ តែយ៉ាងណា លោកអ្នកអាចបង្ការតាមរយៈការទទួលទានផ្លែឈើ៥មុខ ដែលមានរាយនាមដូចខាងក្រោម…។
១.ផ្លែប៉ោម៖ ផ្អែកតាមវិទ្យាស្ថានស្រាវជ្រាវនៅប្រទេសជប៉ុន បានបង្ហាញថា ក្នុងផ្លែប៉ោមមួយផ្លែ មានសារធាតុ Procyanidin B-2 ជាសារធាតុសំខាន់ ជួយបណ្ដុះសក់ថ្មីដល់កោសិកាស្បែកក្បាល។ លើសពីនេះ ប៉ោម មានជាតិវីតាមីន A B និង C ផ្សំចូលគ្នាជួយបង្ការមិនឱ្យមានអង្គែរ កើតឡើងលើស្បែកក្បាល។ ២.ផ្លែប៉ែស៖ ប៉ែស ជួយផ្តល់សំណើមទៅស្បែកក្បាលបានយ៉ាងល្អ ជាពិសេសអាចពង្រាវធ្វើជាឱសថ រួចលាបលើស្បែកក្បាលបានទៀតផង។ ៣.ផ្លែគីវី៖ គីវី សម្បូរទៅដោយប្រភពវីតាមីនល្អៗ ដូចជា វីតាមីន A, E និងវីតាមីន K រួមទាំងសារធាតុប្រឆាំងអុកស៊ីតកម្ម ដូចជា Betacarotene ជាតិ Lutein និង Xanthin ជាពិសេស ជាតិទង់ដែង អាចជួយឱ្យសក់រក្សាពណ៌ធម្មជាតិ គឺខ្មៅបានល្អ និងរារាំងមិនឱ្យស្កូវមុនអាយុផងដែរ។
៤.ផ្លែល្ហុង៖ ល្ហុង មានសារធាតុសរសៃទឹកប្រូតេអ៊ីន កូឡេជេន ជំនួយទៅដល់ស្រទាប់ស្បែកក្បាលឱ្យរឹងមាំ និងមានសុខភាពល្អ។ មួយវិញទៀតផ្លែល្ហុង ក៏មានរសជាតិឈ្ងុយឆ្ងាញ់ សម្បូរទៅដោយជាតិវីតាមីន C ជាប្រភពបង្កើតសារធាតុកូឡាជេននេះឯង។ ៥.ផ្លែម្នាស់៖ ម្នាស់ មិនត្រឹមតែសម្បូរជាតិវីតាមីនល្អៗដូចជា វីតាមីន C, B6 ជាតិម៉ង់ហ្គាណែហ្សប៉ុណ្ណោះទេ។ លើសពីនេះ សារធាតុប្រឆាំងអុកស៊ីតកម្ម មានដូចជា អាស៊ីត Flavonoids និង Phenolic មានក្នុងម្នាស់សុទ្ធតែអាចរារាំងរ៉ាឌីកាល់សេរី មិនឱ្យបំផ្លាញឬសសក់៕ ដកស្រង់ពី៖ ហេទ្បូគ្រូពេទ្យ
