ថៃ៖ គ្រោះទឹកជំនន់នៅខេត្តពេជ្របូរណ៍(เพชรบูรณ์) នៃប្រទេសថៃបានហក់ឡើងដល់កម្ពស់២,៥ម៉ែត្រ ខណៈមនុស្សជាច្រើនកំពុងរងគ្រោះ ខ្វះខាតស្បៀងអាហារ និងទឹកស្អាតសម្រាប់ប្រើប្រាស់ និងបរិភោគ។

នៅក្នុងស្រុកលំកៅ(Lom Kao) និងស្រុកលំសាក់(Lom Sak) ក្នុងខេត្តខេត្តពេជ្របូរណ៍ បានបន្តប្រឈមមុខនឹងគ្រោះមហន្តរាយពីឥទ្ធិពលនៃព្យុះត្រូពិចណងហ្វា ដែលបណ្ដាលឱ្យទឹកទន្លេប៉ាសាក់(Pa Sak) ហក់ឡើងខ្ពស់ និងជន់លិចផ្ទះសម្បែងប្រជាពលរដ្ឋនៅថ្ងៃទី២ ខែកញ្ញា។ លើសពីនេះ ប្រជាពលរដ្ឋមួយចំនួនមិនអាចជួយសង្គ្រោះបានទាន់ពេលវេលា ហើយអ្វី​ដែល​ពួក​គេ​ត្រូវ​ការ​ពេល​នេះ​គឺ​អាហារ និង​ទឹក​ស្អាត ព្រោះ​សម្ភារ​ដែល​ពួក​គេ​បាន​ត្រៀម​ទុក​ត្រូវ​បាន​ជន់​លិច​ហូរទៅតាមទឹកអស់៕