រដ្ឋធានីមូស្គូ៖ រុស្ស៊ីអំពាវនាវឱ្យមានកិច្ចសន្ទនា និងការអត់ធ្មត់រវាងកម្ពុជា និងថៃ ចំពេលមានភាពតានតឹងព្រំដែនកើនឡើង ដោយសង្កត់ធ្ងន់លើសារសំខាន់នៃដំណោះស្រាយដោយសន្តិវិធី។
រុស្ស៊ីបានសម្ដែងការព្រួយបារម្ភចំពោះភាពតានតឹងដែលកំពុងកើនឡើងនៅព្រំដែនកម្ពុជា-ថៃ ហើយកំពុងជំរុញឱ្យប្រទេសទាំងពីរអត់ធ្មត់ និងស្វែងរកដំណោះស្រាយដោយសន្តិវិធី។ ទីភ្នាក់ងារសារព័ត៌មានរុស្ស៊ី TASS បានរាយការណ៍នៅថ្ងៃទី២៤ ខែកក្កដាថា អ្នកនាំពាក្យក្រសួងការបរទេសរុស្ស៊ី លោកស្រី ម៉ារីយ៉ា ហ្សាការ៉ូវ៉ា បានអំពាវនាវឱ្យភាគីទាំងពីរជៀសវាងការកើនឡើងនៃភាពតានតឹងបន្ថែមទៀត និងចូលរួមការសន្ទនាដើម្បីដោះស្រាយភាពខុសគ្នា។
លោកស្រី ហ្សាការ៉ូវ៉ា បានសង្កត់ធ្ងន់ថា ជម្លោះទឹកដីជាច្រើននៅទូទាំងពិភពលោក គឺជាលទ្ធផលនៃកេរដំណែលអាណានិគម ហើយបាននិយាយថា ដោយសារស្ថានភាពកាន់តែយ៉ាប់យ៉ឺននៅក្នុងតំបន់អាស៊ីប៉ាស៊ីហ្វិក វាជារឿងសំខាន់ណាស់ក្នុងការស្វែងរកមធ្យោបាយដោះស្រាយជម្លោះទាំងនោះតាមរយៈឯកភាព និងសាមគ្គីភាព ជាពិសេសក្នុងបរិបទអាស៊ាន៕
