រដ្ឋធានីម៉ានីល៖ ធនាគារអភិវឌ្ឍន៍អាស៊ី ឬហៅយ៉ាងខ្លីថា ADB បានទម្លាក់ការព្យាករកំណើននៅឆ្នាំនេះសម្រាប់តំបន់អាស៊ី ដោយលើកឡើងពីការជំរុញដោយគោលនយោបាយពន្ធដាររបស់ប្រធានាធិបតីអាម៉េរិក លោក ដូណាល់ ត្រាំ...។
របាយការណ៍ទស្សនវិស័យរបស់ធនាគារអភិវឌ្ឍន៍អាស៊ី បានបន្ទាបការព្យាករកំណើនផលិតផលក្នុងស្រុកសរុបមកត្រឹម៤,៧ភាគរយ នៅឆ្នាំ២០២៥ ធៀបនឹងការព្យាករពីមុន៤,៩ភាគរយ ក្នុងខែមេសា។ របាយការណ៍នេះ បញ្ជាក់ថា កំណើនក្នុងតំបន់បានកើនឡើងក្នុងត្រីមាសទីមួយនៃឆ្នាំ២០២៥ ដោយសារតម្រូវការក្នុងស្រុករឹងមាំ និងការដំឡើងពន្ធមុនការនាំចេញ។ យ៉ាងណា ពន្ធគយកាន់តែខ្ពស់ និងភាពមិនប្រាកដប្រជានៃពាណិជ្ជកម្មសកល ត្រូវបានគេរំពឹងថា នឹងកាត់បន្ថយសន្ទុះ។ ការព្យាករកំណើនឆ្នាំ២០២៥ របស់ប្រទេសម៉ាឡេស៊ី ត្រូវបានកាត់បន្ថយមកត្រឹម៤,៣ភាគរយ ពី៤,៩ភាគរយកាលពីបីខែមុន។ ដូចគ្នាដែរ តួលេខសម្រាប់សេដ្ឋកិច្ចដែលផ្តោតលើពាណិជ្ជកម្មផ្សេងទៀតត្រូវបានធ្លាក់ចុះ ដោយអត្រាកំណើនរបស់ប្រទេសថៃធ្លាក់ចុះពី២,៨ភាគរយមកត្រឹម១,៨ភាគរយ, សិង្ហបុរីពី២,៦ភាគរយ មកត្រឹម១,៦ភាគរយ និងកូរ៉េខាងត្បូងពី១,៥ភាគរយ មកត្រឹម០,៨ភាគរយ។
ការព្យាកររបស់ប្រទេសឥណ្ឌា ត្រូវបានកែសម្រួលធ្លាក់ចុះមកត្រឹម៦,៥ភាគរយនៅឆ្នាំនេះ ជាចម្បងដោយសារតែផលប៉ះពាល់នៃពន្ធលើមូលដ្ឋានរបស់សហរដ្ឋអាម៉េរិក និងភាពមិនច្បាស់លាស់នៃគោលនយោបាយពាក់ព័ន្ធ។ អត្រាកំណើនរបស់ប្រទេសជប៉ុនសម្រាប់ឆ្នាំ២០២៥ ត្រូវបានបន្ទាបមកត្រឹម០,៨ភាគរយ។ ADB បានចេញផ្សាយទស្សនវិស័យខែមេសាប៉ុន្មានថ្ងៃបន្ទាប់ពីថ្ងៃប្រកាសពន្ធ នៅពេលដែលលោក ត្រាំ បានដាក់ពន្ធលើដៃគូពាណិជ្ជកម្មរបស់សហរដ្ឋអាម៉េរិក។ ធនាគារនេះ បានព្រមានថា លក្ខខណ្ឌទាំងនេះប៉ះពាល់ដល់អាជីវកម្ម និងអតិថិជន ហើយគំរាមកំហែងដល់ការរំខានដល់ការវិនិយោគនៅអាស៊ីអាគ្នេយ៍។ ការព្យាករកំណើនរបស់វៀតណាម ត្រូវបានដំឡើងពី៥,៦ភាគរយទៅ៦,៣ភាគរយ ប៉ុន្តែតួលេខឆ្នាំ២០២៦ ត្រូវបានកាត់បន្ថយមកត្រឹម៦ភាគរយ ពី៦,៥ភាគរយ។ សរុបមក ការព្យាករកំណើនសម្រាប់តំបន់អាស៊ីអាគ្នេយ៍ បានធ្លាក់ចុះមកនៅត្រឹម៤,២ភាគរយនៅឆ្នាំនេះ៕
