សិល្បៈ៖ បើកទំព័រខែថ្មីភា្លម តារាសម្តែងកម្ពុជាដ៏មានប្រជាប្រិយ លោក ខាត់ វៃហាំង និងកញ្ញា ស៊ីន យ៉ូប៊ី បានធ្វើឱ្យអ្នកគាំទ្ររំភើបចិត្តជាខ្លាំង ក្រោយអ្នកទាំងពីរដឹកដៃគ្នាទៅទទួលពាន Asia Top Award 2023 នៅប្រទេសថៃ កាលពីថ្ងៃទី២ ខែកក្កដា ឆ្នាំ២០២៣ម្សិលមិញ...។ 

យ៉ាណាមិញ អ្វីដែលធ្វើឱ្យអ្នកគាំទ្រមិនសរសើរមិនបាននោះ គឺកំពូលតារាលំដាប់ប្រទេសទាំងពីររូបនេះ ទៅដល់ទីណាក៏មិនចោលភាពជាខ្មែរដែរ។ ជាក់ស្តែង ក្នុងកម្មវិធីទទួលពានរង្វាន់ដ៏ធំក្រោមក្រសែភ្នែកមហាជនជាច្រើន ស្រីស្រស់ យូប៊ីន បានតុបតែងខ្លួនបែបតំណាងកម្ពុជាតែម្ដង ដោយនាងបានប្រើប្រាស់រ៉ូបវែងអូសដី មានរំលេចក្រឡាគោមតំណាងហូលខ្មែរ អមជាមួយគ្រឿងអលង្ការធ្វើជារាងព្យញ្ជនៈ លេខ និងស្រះខ្មែរទាំងអស់ ដែលមើលទៅពិតជាក់ទាក់ទាញយ៉ាងខ្លាំង។ បន្ថែមលើនេះ បើតាមការផុសរបស់លោក វៃហាំង នាយប់ថ្ងៃដដែលក្រោយបញ្ជប់កម្មវិធី លោកបានពោលពាក្យអរគុណទៅដល់អ្នកគាំរបស់អ្នកទាំងពីរជាខ្លាំង និងមានអត្ថន័យយ៉ាងដូច្នេះថា៖« ទាំងនេះ បានមកពីអ្នកគាំទ្រទាំងអស់គ្នា អគុណដែលបានផ្ដល់កម្លាំងចិត្តឱ្យពួកយើង We got popular actor and actress from Asia Top Award 2023 »។

គួរបញ្ជាក់ដែរថា នេះមិនមែនជាលើកទីមួយទ្បើយ ដែលគូស្នេហ៍សិល្បៈវ័យក្មេងរូបនេះ បានដឹកដៃគ្នានាំភាពជាខ្មែរទៅទទួលយកពានរង្វាន់ធំៗនៅក្រៅប្រទេសនោះឡើយ។ ជាក់ស្តែង យោងតាមការប្រកាសពីទំព័រហ្វេសប៊ុកផ្លូវការរបស់កម្មវិធីពានរង្វាន់ K Beauty Awards 2022 តារាសម្តែងលោក ខាត់ វៃ ហាំង និង កញ្ញា ស៊ីន យូប៊ីន ត្រូវបានជ្រើសរើសជាជ័យលាភីពានរង្វាន់ផ្នែក តារាសម្ដែងប្រុសអន្តរជាតិ និងតារាសម្ដែងស្រីអន្តរជាតិ។ ដោយកម្មវិធីប្រគល់ពានរង្វាន់នេះ បានប្រព្រឹត្តទៅនៅទីក្រុងបាងកកប្រទេសថៃ កាលពីខែធ្នូ ឆ្នាំ២០២២ នាពេលកន្លងមកផងដែរ...៕