(បាល់ទាត់)៖ កាលពីថ្ងៃទី០៣ ខែមេសា ឆ្នាំ២០២៣ សហព័ន្ធបាល់ទាត់កម្ពុជា ឬហៅកាត់ថា​ FFC បានប្រកាសតែងតាំងលោក ហ្វីឡិច ឌែលម៉ាស Félix Dalmás ជាគ្រូបង្គាលថ្មីក្នុងក្រុមជម្រើសកម្ពុជា ដែលនឹងទទួលបន្ទុកដឹកនាំក្រុមឈុតធំ និងឈុតយុវជនមួយចំនួន បន្ទាប់ពីលោក កៃស៊ូកិ ហុងដា Keisuke Honda ក្រោយពីបញ្ចប់ព្រឹត្តិការណ៍ស៊ីហ្គេម លើកទី៣២នៅកម្ពុជា។

មែនទែនទៅ ចំពោះមូលហេតុដែលសហព័ន្ធបាល់ទាត់កម្ពុជា សម្រេចចិត្តតែងតាំងលោក ហ្វីឡិច ឌែលម៉ាស Félix Dalmás ជាគ្រូបង្គាលថ្មី ទាំងដែលលោក កៃស៊ូកិ ហុងដា Keisuke Honda ត្រៀមខ្លួនដឹកនាំក្រុមគោព្រៃកម្ពុជានៅព្រឹត្តិការណ៍ស៊ីហ្គេម លើកទី៣២ ដែលកម្ពុជាទទួលសិទ្ធិរៀបចំធ្វើជាម្ចាស់ផ្ទះនាពេលខាងមុខ។ ដោយសារតែកម្ពុជា ត្រូវការរៀបចំក្រុមឱ្យបានល្អបំផុត សម្រាប់ការប្រកួតអន្តរជាតិជាច្រើនរួមទាំងឈុតធំ និងឈុតយុវជន រួមមាន៖ ការប្រកួតជម្រុះ World Cup និងពានរង្វាន់ប្រចាំថ្នាក់អាស៊ាន និងអាស៊ីជាដើម។

គួរជម្រាបដែរថា លោក ហ្វីឡិច ឌែលម៉ាស Félix Dalmás ជាគ្រូបង្វឹកកម្ពុជាតែម្នាក់គត់ដែលធ្លាប់ដឹកនាំក្រុមគោព្រៃកម្ពុជាក្រោម២៣ឆ្នាំ ឆ្លងផុតវគ្គចែកពូល ស៊ីហ្គេមលើកទី៣០ ដែលធ្វើឡើងកាលពីឆ្នាំ២០១៩ ប៉ុន្តែគ្រានោះក្រុមជម្រើសជាតិកម្ពុជា ទទួលបានចំណាត់ថ្នាក់លេខ៤ ជាលើកដំបូងក្នុងប្រវត្តិសាស្ត្រស៊ីហ្គេម ចាប់តាំងពីឆ្នាំ១៩៥៩ បន្ទាប់ពីទទួលរងបរាជ័យក្រោមថ្វីជើងក្រុមជម្រើសជាតិមីយ៉ាន់ម៉ា នៅវគ្គបាល់កាត់សេចក្តី១១ម៉ែត្រ ក្នុងលទ្ធផល៤-៥ ៕