(រាជធានីភ្នំពេញ)៖ អាណាព្យាបាល​របស់​សិស្សានុសិស្សថ្នាក់ទី១២ បានមក​លើកទឹកចិត្ត​ដល់កូនៗ​ ដែល​កំពុង​ប្រឡង​សញ្ញាបត្រ​មធ្យមសិក្សា​ទុតិយភូមិ នៅថ្ងៃទី​២៧-២៨ ខែធ្នូ ឆ្នាំ​២០២១ នៅតាម​មណ្ឌលប្រឡង​នានាក្នុង​​រាជធានី​ភ្នំពេញ​។

នាព្រឹកថ្ងៃប្រឡងបាក់ឌុបទី២៧ ខែធ្នូនេះ មានឪពុកម្តាយដែលមកពីបណ្តាខេត្តខ្លះ និងជាអ្នកនៅភ្នំពេញខ្លះ បានជូនកូនមកប្រឡងបាក់ឌុប រួមទាំងអង្គុយរង់ចាំកូនចេញពីប្រឡងទាំងអន្ទះសារផងដែរ។ ការចំណាយពេលមកអង្គុយរង់ចាំកូន​ប្រឡងបាក់ឌុបនេះ គឺពួកគាត់បានលះបង់ពេលវេលា​ដើម្បីមកលើកទឹកចិត្តកូន ដោយពួកគាត់បានសម្រេចចិត្តផ្អាកធ្វើការ និងផ្អាកអាជីវកម្មផ្សេងៗក្នុងរយៈពេល២ថ្ងៃ​ដើម្បីមកផ្តល់កម្លាំងចិត្តដល់កូន។

ឪពុកម្តាយខ្លះបានត្រៀមម្ហូបអាហារដែលពួកគាត់បានចំអិនរួចជាស្រេចដើម្បីទុកឲ្យកូនបរិភោគ ឬបរិភោគជាមួយកូនតែម្តង ហើយមានឪពុកម្តាយខ្លះអង្គុយរង់ចាំកូនដើម្បីនាំកូនទៅបរិភោគអាហារថ្ងៃត្រង់នៅតាមអាហារដ្ឋានផ្សេងៗផងដែរ។

សូមអញ្ជើញស្តាប់បទសម្ភាសរវាងអ្នកសារព័ត៌មានSBM និងអាណាព្យាបាលសិស្សដែលបានអង្គុយរង់ចាំដើម្បីលើកទឹកចិត្តកូន​ខាងក្រោមដូចតទៅ៖