Maddox Jolie-Pitt  គឺជាកូនចិញ្ចឹមច្បងក្នុងចំណោមកូនៗដទៃទៀតរបស់តារាសម្តែងហូលីវូដ លោកស្រី Angelina Jolie ដែលមានឈាមជ័រខ្មែរ។ ហើយកម្លោះសង្ហារូបនេះហាក់ទទួលបានការចាប់អារម្មណ៍ជាងគេក្នុងចំណោមបងប្អូនដទៃទៀតផងដែរ។

ទាក់ទងរឿង​រា៉វមួយចំនួន លោកអ្នកអាចនឹងភ្ញាក់ផ្អើល​ពី រ័ត្នវិបុល ដែលជាឈ្មោះកំណើតនៅប្រទេសកម្ពុជា  ក្រោយពីលោកត្រូវបានតារាស្រីហូលីវូដលំដាប់ជួរមុខទទួលចិញ្ចឹមកាលពីខែមីនា ឆ្នាំ២០០២ ខណៈបច្ចុប្បន្នរូបគេមានអាយុ២០ឆ្នាំហើយ។ 

•    លោក Billy Bob Thornton គឺជាឪពុកចិញ្ចឹមទី១របស់ Maddox តែក្នុងរយៈពេលខ្លី

អ្នក​គាំទ្រ​ទំនង​ជា​នៅ​ចាំ​ចំណង​ស្នេហ៍​រវាង​តារា​សម្ដែង Billy Bob Thornton និង Angelina Jolie។ អ្នកទាំងពីរបានរៀបការក្នុងឆ្នាំ២០០២ នៅពេលដែល Jolie សម្រេចចិត្តទទួលយក Maddox ហើយពួកគេថែមទាំងបានប្រកាសរួមគ្នានៅពេលដែលការស្មុំកូនត្រូវបានបញ្ចប់។ ទោះ​ជា​យ៉ាង​ណា ទំនាក់​ទំនង​របស់​ពួក​គេ​មាន​ភាព​រង្គោះ​រង្គើ​នៅ​ត្រង់​ចំណុច​នោះ ពួកគេបានសម្រេចចិត្តចែកផ្លូវគ្នាភ្លាមៗ។

•  Maddox  ស្ទើតែមិនអាចក្លាយជាកូនចិញ្ចឹមរបស់លោកស្រី Angelina Jolie 

 ទោះបីជាកំពូលតារាសម្តែងហូលីវូដរូបនេះមានប្រាក់រាប់លានដុល្លារក៏ដោយ ប៉ុន្តែដំណើរការសុំចិញ្ចឹមកូនប្រុស Maddox មានភាពស្មុគស្មាញខ្លាំង។ ដោយសារតែមានពេលនោះសកម្មភាពការសុំកូនចិញ្ចឹមត្រូវបានបញ្ឈប់ជាបណ្តោះអាសន្ន ដោយសារការព្រួយបារម្ភពីការជួញដូរកុមារ។ ដូចគ្នានេះផងដែរ ភ្នាក់ងារស្មុំកូនរបស់ Jolie ត្រូវបានកាត់ទោសពីបទក្លែងបន្លំទិដ្ឋាការ និងការលាងលុយស្ថិតក្នុងសភាពភាពរញ៉េរញ៉ៃ។

•  ទំនាក់ទំនងរវាងឪពុកចិញ្ចឹម Brad Pitt  និង Maddox មានភាពរង្គោះរង្គើ

Brad Pitt បានទទួលស្គាល់ Maddox ជាផ្លូវការក្នុងឆ្នាំ២០០៦ ប៉ុន្តែទំនាក់ទំនងពួកគេមិនមានភាពរលូនប៉ុន្មានឆ្នាំមកនេះ ហើយមានពាក្យ​ចចាមអារ៉ាម​ថា អ្នកទាំងពីរមានការឈ្លោះប្រកែកគ្នាយ៉ាងខ្លាំងលើយន្តហោះឯកជនពេលធ្វើដំណើរទៅសហរដ្ឋអាម៉េរិក ស្របពេល Brad បាន​ផឹក​ស្រាស្រវឹងបានវាយ Maddox ​ក្រោយការពារម្តាយ Angelina Jolie។ ខណៈប្រភពខ្លះ​អះអាង​ថា​Maddox មិន​ចង់​ជួប Brad Pitt​ ទៀត​ទេ។ 

• មានពាក្យចចាមអារ៉ាមថា Brad Pitt ត្រូវបានហាមប្រាមចូលរួមខួបកំណើត Maddox

វាមិនត្រូវបានបញ្ជាក់ទេ ប៉ុន្តែមានពាក្យចចាមអារ៉ាមថា Brad Pitt មិនត្រូវបានអនុញ្ញាតឱ្យចូលរួមពិធីខួបកំណើតគម្រប់អាយុ ១៦ឆ្នាំ របស់កូនប្រុសច្បងក្នុងឆ្នាំ២០១៧ ។ ប្រភពមួយបាននិយាយថា Brad មានការខកចិត្តក្រោយខកខានមិនបានចូលរួមខួបកំណើតកូនប្រុស ជាលើកដំបូងចាប់តាំងពីការលែងលះគ្នាជាមួយ Angelina Jolie ។ 

• Maddox គឺជាបងប្រុសដ៏ល្អ

ជារឿយៗ កូនច្បងត្រូវបានគេរំពឹងថានឹងជួយមើលថែបងប្អូនបង្កើត។ ប៉ុន្តែទោះបីជា Maddox មិនជាប់សាច់ឈាមជាមួយប្អូនៗក្តី  តាមប្រភពបាននិយាយថា Maddox គឺជាបងប្រុសដ៏ល្អម្នាក់ដែលតែងតែមើលថែប្អូនៗ។

• Maddox ទំនងទៅបន្តការសិក្សានៅមហាវិទ្យាល័យក្នុងប្រទេសកូរ៉េ

ប្រភព​មួយ​អះអាង​ថា Maddox កំពុង​សម្លឹង​មើល​ការ​ចូល​រៀន​នៅ​សាកលវិទ្យាល័យ Yonsei ក្នុង​ទីក្រុង​សេអ៊ូល ប្រទេស​កូរ៉េ​ខាង​ត្បូង។ ប៉ុន្តែ Angelina Jolie ប្រហែលជាមិនអនុញ្ញាតឱ្យទៅនោះទេ  ដោយសារលោកស្រីពឹងផ្អែកលើ Maddox មកជួយក្រុមហ៊ុន ណាមួយមិនចង់ឃ្លាតឆ្ងាយពីកូនប្រុស។

• Maddox មានទំនាក់ទំនងជិតស្និទ្ធនឹងម្តាយណាស់

តាំងពីម្តាយលែងលះមក Maddox កាន់តែមានភាពស្និតស្នាលជាមួយ Angelina ខ្លាំង ថែមទាំងមានឱកាសធ្វើការជាមួយម្តាយ ប្រកបដោយវិជ្ជាជីវៈផងដែរ នៅពេលលោកបានជួយម្តាយដឹកនាំគម្រោងក្នុងខ្សែភាពយន្តរឿង «First They Killed My Father» ដែលត្រូវបានថតនៅក្នុងប្រទេសកម្ពុជាក្នុងរបបប្រល័យពូជសាសន៍។ ជាពិសេស Maddox តែងតែប្រើក្រសែភ្នែកសម្លឹងមើលម្តាយរបស់លោកជានិច្ច៕