អាចនិយាយបានថា តារាសម្តែង និងពិធីការិនី គង់ ចាន់ស្រីមុំ ជាតារាស្រីមួយដួងប្រចាំប្រទេសដែលពូកែតុបតែងខ្លួនស្អាតៗ ប្លែកៗ ស៊ីវីល័យ ឱ្យអ្នកគាំទ្រ មើលមិនសាំភ្នែកសោះទោះបីក្លាយជាម៉ាក់ៗគេហើយក៏ដោយ។
តារាស្រីរាងតូចល្អិតរូបនេះ កាន់តែធ្វើឱ្យអ្នកគាំទ្រលាន់មាត់ថាប្លែកជាបន្តទៀត ក្រោយពីបង្ហោះរូបភាពនាពេលថ្មីៗនេះជាមួយ ខោកាប៊ូយខ្លី អាវបញ្ចេញដើមទ្រូង និងស្បែកជើងពណ៌ខ្មៅកវែងទៀតកាន់តែស៊ិចស៊ីទាក់ទាញកប់។ ក្នុងសំលៀកបំពាក់នេះ ស្រីមុំ បានលេងម៉ូតសក់ក្រងតូចៗបាស់ទៅលើទៀត កាន់តែប្លែកជាងមុនហើយនាងបានព្រលយពាក្យថា “ដែលតែលឺគេថាស្អាតបះសក់តែមិនដែលឃើញ ឥឡូវនេះបានឃើញហើយស្អាតបះសក់ម៉ង ចង់បង កូវិត ,ឌែលតា,អាលហ្វា អីទៅឱ្យឆ្ងាយ..”។
ដោយសារតែមកលើកនេះខុសប្លែកពីរាល់ដង អ្នកគាំទ្របានចូលទៅបញ្ចេញយោបល់លើការបង្ហោះរបស់នាងជាច្រើន ដោយសរសើរថា បើមិនប្លែក មិនញាក់សាច់ មិនមែន គង់ ស្រីមុំទេ ហើយបើប្រុសៗឃើញវិញអាចឈាមច្រមុះក៏ថាបាន៕
