ក្នុងនាមជាម្តាយឪពុកគ្រប់រូបតែងតែចង់ឲ្យកូនមានសុខភាពល្អនិងរឹងមាំ តួយ៉ាងការផ្តល់របបអាហារដល់ កូនពេលខ្លះវាមានភាពស្មុគស្មាញបន្តិច ជាពិសេសសម្រាប់ទារក។ ដំឡូងបារាំងវាមានគុណប្រយោជន៍ដ៏ច្រើន អ្នកជំនាញតែងតែណែនាំឲ្យម្តាយឪពុកផ្តល់វាជាអាហារដល់កូននៅពេលដែលពួកគេចាប់ផ្តើមញុំអាហារបាន។ វាសំបូរទៅដោយកាបូអ៊ីដ្រាត ព្រមទាំងផ្ដល់ថាមពលគ្រប់គ្រាន់ដល់កូនដែលកំពុងលូតលាស់ វាក៏ជាប្រភេទបន្លែមើមដែលមានសុវត្ថិភាពបំផុតដែរ។
អត្ថប្រយោជន៍សុខភាពនៃដំឡូងបារាំងចំពោះទារកមានដូចខាងក្រោម៖
សម្បូរដោយថាមពល
ដំឡូងបារាំងមួយមើមតូចផ្តល់ថាមពលប្រមាណ ៧៥ គីទ្បូស៊ូល ទារកដែលមានអាយុលើសពីប្រាំមួយខែត្រូវការរបបអាហារដែលមានថាមពលដើម្បីគាំទ្រដល់ការលូតលាស់ក៏ដូចជាការអភិវឌ្ឍនៃការឡើងទំងន់របស់ទារកផងដែរ។
មានគុណប្រយោជន៍សម្រាប់សុខភាពស្បែក
សម្បូរដោយវីតាមីនC និងអង់ស៊ីមជាច្រើនដែលផ្តល់សារជាតិចិញ្ចឹមយ៉ាងសំខាន់ទៅដល់ស្បែកបានយ៉ាងល្អ។ លើសពីនេះវាសម្បូរដោយសារជាតិ ប៉ូតាស្បូម ម៉ាញ៉េស្បួម សូដ្យូម និងវីតាមីនប៊េ៦ ដែលសុទ្ធសឹងជាសារជាតិចាំបាច់ដល់ការលូតលាស់របស់ទារក។
ប្រយុទ្ធប្រឆាំងនឹងជំងឺផ្សេងៗ
ការបញ្ចូលដំឡូងបារាំងទៅក្នុងរបបអាហាររបស់កូនវាពិតជារឿងត្រឹមត្រូវ ព្រោះថាដំឡូងបារាំងមានផ្ទុកសារធាតុ Anthocyanins ជាសារធាតុមួយប្រភេទដែលអាចប្រយុទ្ធប្រឆាំងនឹងអុកស៊ីតកម្មដែលជាសារធាតុអាចជួយឲ្យកូនជៀសផុតពីជំងឺផ្សេងៗបាន។
ជួយពង្រឹងសុខភាពក្រពះពោះវៀន
ដំឡូងបារាំងអាចជួយធ្វើឲ្យសុខភាពក្រពះពោះវៀតកូនតូចឲ្យរឹងមាំនិងមានសុខភាពល្អ។ ដោយសារដំឡូងបារាំង ក៏អាចជួយឲ្យការលូតលាស់បាត់តេរីល្អនៅក្នុងរាងកាយរបស់កូនកាន់តែច្រើន ចំណែកឯបរិមាណជាតិស្ករអាល់កាលីន (Alkaline) មាននៅក្នុងដំឡូងបារាំងធ្វើឲ្យកម្រិតជាតិអាស៊ីដនៅក្នុងរាងកាយទារកថយចុះផងដែរ។
ទោះបីដំឡូងបារាំងមានអត្ថប្រយោជន៍ច្រើនក៏ពិតមែន ម្តាយឪពុកក៏ត្រូវចងចាំផងដែរថាត្រូវ លាងសម្អាត និងបកសំបកដំឡូងឲ្យបានសព្វល្អឲ្យកូនចាប់ផ្ដើមញ៉ាំដំឡូងបារាំងឆ្អិនដែលកិនម៉ត់ល្អចំនួនពីរបីស្លាបព្រា និងមិនត្រូវឲ្យពួកគេញ៉ាំច្រើនពេកនោះទេ។ ដើម្បីកុំឲ្យបាត់បង់សារធាតុចិញ្ចឹម ម្តាយឪពុកមិនគួរចម្អិនដំឡូងបារាំងដោយការចៀននោះទេ៕
ដោយ៖ NC
ប្រភព៖ parenting.firstcry.com
