រាជធានីភ្នំពេញ៖ បុរសជនជាតិចិន១៥នាក់ ត្រូវចាប់ខ្លួនក្នុងទីតាំងប្រព្រឹត្តិអំពើឆបោក ឬ Online Scams ក្នុងបុរីអ័រគីដេ ខណ្ឌជ្រោយចង្វារ រាជធានីភ្នំពេញ កាលពីថ្ងៃទី២៤ ខែមីនា ឆ្នាំ២០២៦.....។

ក្រោមការសម្របសម្រួលនីតិវិធីផ្នែកច្បាប់ពីលោក ទិន សុចិត្រា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ លោកឃួង ស្រេង អភិបាលរាជធានី បានដឹកនាំកម្លាំងចម្រុះចុះត្រួតពិនិត្យបុរីខាងលើ ព្រមទាំងឃាត់បុរសជនជាតិចិនទាំង១៥នាក់។ ជាមួយគ្នា អាជ្ញាធរបានបន្តដកហូតវត្ថុតាង ដែលបម្រើឱ្យការប្រព្រឹត្តិបទល្មើស រួមទាំងគ្រឿងញៀនមួយចំនួនផងដែរ។ បច្ចុប្បន្ននេះ ជនសង្ស័យ និងវត្ថុតាងទាំងអស់ ត្រូវបានប្រគល់ជូនស្នងការដ្ឋាននគរបាលរាជធានីភ្នំពេញ ដើម្បីបន្តការសាកសួរ និងកសាងសំណុំរឿងបញ្ជូនទៅកាន់តុលាការ៕