(បាល់ទាត់)៖ អ្នកគាំទ្រក្រុម Real Betis បានលើកដៃ «Fuck You» ដាក់ខ្សែប្រយុទ្ធសញ្ជាតិអង់គ្លេស​ ម៉ាកូស រ៉ាហ្វ៉ដ Marcus Rashford របស់ក្លឹបបិសាចក្រហម Manchester United ក្រោយពីកីឡាកររូបនេះស៊ុតបាល់បំប៉ោងសំណាញ់ទីក្រុម Real Betis ហើយធ្វើកាយវិកាបង្ហាញពីការចម្អកឱ្យក្រុមអ្នកគាំទ្រ Real Betisផងដែរ...។

ក្រុមបិសាចក្រហម Manchester United បានឈានឡើងទៅវគ្គ៨ក្រុមចុងក្រោយ នៃពានរង្វាន់លំដាប់ទីពីររបស់ទ្វីបអឺរ៉ុប UEFA Europa League ក្នុងការប្រកួតជើងទីពីរ ដោយបានយកឈ្នះក្រុម Real Betis ដោយលទ្ធផល ១-០ ខណៈដែលលទ្ធផលសរុបទាំងពីរជើង គឺដល់ទៅ ៥-១ ឯណោះ។

គ្រាប់បាល់ជ័យជម្នៈរបស់ក្រុម Manchester United បានកើតចេញពីការស៊ុតគូសសិចមួយជើងពីចម្ងាយដ៏អស្ចារ្យរបស់ខ្សែប្រយុទ្ធសញ្ជាតិអង់គ្លេស Marcus Rashford នៅនាទី៥៦នៃតង់ទីពីរ ខណៈដែល កីឡាករ Rashford បានរត់ទៅអបអរគ្រាប់បាល់នៅចំពីមុខអ្នកគាំទ្រ Real Betis ដោយយកដៃចង្អុល់ក្បាល និងធ្វើឱ្យអ្នកគាំទ្រទាំងនោះទ្រាំនឹងទង្វើនេះមិនបាន ក៏លើកដៃ «Fuck You» រួមទាំងស្រែកពាក្យមួយចំនួនមើលទៅហាក់បីជាមិនសមរម្យតែម្ដង។ គួរជម្រាបថា ក្រោយពីស៊ុតបញ្ចូលទីគ្រាប់បាល់យប់មិញ ពេលនេះ Rashford បានក្លាយជាកីទ្បាករវ័យក្មេងជាងគេបំផុត ក្នុងប្រវត្តិសាស្ត្រក្រុមបិសាចក្រហម Manchester United ដែលស៊ុតបញ្ចូលទីរហូតដល់២៥គ្រាប់ ក្នុងពានរង្វាន់អឺរ៉ុប៕