សុខភាព៖ ពេលខ្លះហត់នឿយពីការងារខ្លាំង ហើយទទួលទានអាហារពេលល្ងាចតិច ឬមិនបានបរិភោគ នោះ​អាច​​ជា​រឿង​មួយ​ដែល​ធ្វើ​ឱ្យ​​ឃ្លាន​នៅ​ពេលភ្ញាក់ពីគេងកណ្ដាលយប់​ តែមិនហ៊ានពិសាខ្លាចមានផលប៉ះពាល់មិនល្អណាមួយដល់រាងកាយ។សូមកុំបារម្ភ​ ថ្ងៃនេះ SBM News នឹងជម្រាបជូនដល់លោកអ្នកឱ្យបានដឹងពីអាហារណាខ្លះ ដែលអាចទទួលទានបាន...។

អាហារដែលអាចទទួលទានបាន មានដូចជា ទី១.ផ្លែចេក៖ ផ្លែចេកជាប្រភេទអាហារសម្រន់ដែលល្អងាយរក សម្រាប់អ្នកភ្ញាក់ពេលយប់ហើយប្រឈមនឹងការឃ្លាន។ ថ្វីដ្បិត​ផ្លែចេកមិនមែនជាអាហារមានរសជាតិឆ្ងាញ់ តែអាចជួយកាត់បន្ថយការឃ្លានបានមួយកម្រិត ថែមទាំងជួយឱ្យសុខភាពល្អ និងមានអត្ថប្រយោជន៍ខ្លាំង ទៅដល់ប្រព័ន្ធរំលាយអាហារងាយស្រួលរំលាយ ព្រោះផ្លែឈើមួយប្រភេទនេះ មានផ្ទុកទៅដោយប៉ូតាស្យូម ទ្រីបតូផាន ហ្វៃប៊ឺ។ ចេកជាជម្រើសល្អសម្រាប់អ្នកដែលគិតគូរដល់សុខភាព មានការព្រួយបារម្ភចំពោះការ​ឡើងគីឡូ គួរតែងាកមករកផ្លែចេក គឺជាការប្រសើរ។

២.ទឹកឃ្មុំ៖ ជាក់ស្ដែង ការភ្ញាក់ពីគេងពេលយប់ ហើយមានអារម្មណ៍ថា ឃ្លាន បើមានទឹកឃ្មុំនៅក្បែរខ្លួន ក៏អាចញ៉ាំបានដែរ។ កុំបារម្ភថា ទឹកឃ្មុំមានជាតិផ្អែម ហើយអាចបង្កើនកាឡូរីខ្ពស់ក្នុងខ្លួន មិនមែនទេ។ ទឹកឃ្មុំមានកាឡូរីទាប ហើយមានអត្ថប្រយោជន៍ជួយដល់ការផលិតអ័រម៉ូនមេឡាតូនីន ដែលមានតួនាទីសំខាន់សម្រួលដល់ការគេង។ ដូច្នេះ ទឹកឃ្មុំ​ជា​អាហារ​ដ៏​ល្អ​បំផុត​មួយ ​ដែល​ត្រូវ​ទទួលទាន​ពេល​យប់។៣.បាយស៖ បាយសមានផ្ទុកសារធាតុម៉ែនហ្គាណែស និងវីតាមីនB១។ ការពិសាបាយស មិនត្រឹមតែ​ធ្វើឱ្យកាត់បន្ថយការឃ្លាន ថែមទាំងធ្វើឱ្យឆាប់គេងលក់ស្រួលថែមទៀតផង។

យ៉ាងណា លោកអ្នក​ត្រូវកំណត់បរិមាណនៃការទទួលទាន ក្នុង​កម្រិត​តិច​តួច មិន​ត្រូវ​ច្រើន​ដល់​ថ្នាក់​ឆ្អែត​ទេ​ ព្រោះវាអាចបង្កផលលំបាកដល់ប្រព័ន្ធរំលាយអាហារ ក្នុងពេលដែលរាងកាយត្រូវសម្រាក។ ម៉្យាងទៀត ក្រោយពីបរិភោគបាយសអាចចន្លោះពី២៥ទៅ៤០នាទី រួចចាំចូលគេងវិញ។ ៤.ស៊ុត៖ ទទួលទានស៊ុតស្ងោរនៅពេល​យប់ ក៏ជាមធ្យមបាយល្អសម្រាប់រក្សាសុខភាព និងកាត់បន្ថយការឃ្លានបានមួយកម្រិតដែរ។ បរិមាណស៊ុតគួរតែបរិភោគ ចន្លោះពី២ទៅ៤គ្រាប់ បរិមាណនេះ អាចនឹងសមល្មម នឹងប្រព័ន្ធរំលាយអាហារធ្វើការបាន​រហ័ស។ មួយវិញទៀត ការទទួលទានស៊ុត​ពេលយប់នឹងមិនធ្វើឱ្យឡើងគីឡូ តែហាមបរិភោគស៊ុត​ចៀន ព្រោះអាចមានប្រតិកម្មខ្លាញ់ជាមួយប្រព័ន្ធរំលាយអាហារ ដែលបង្កឱ្យមានការរំខានដល់ការគេង ឬមិនអាចគេងលក់។

៥.ពោតលីង៖ មីក្រូសារជាតិផូលីហ្វេណុល នៅក្នុងគ្រាប់ពោត មានអត្ថប្រយោជន៍​ចំពោះប្រព័ន្ធសរសៃឈាម និងសុខភាពទូទៅ។ ពោតលីង អាចនឹងពិបាករកបន្ដិចក្នុងកំលុងពេលយប់ ប៉ុន្ដែបើមានក៏ជាការល្អប្រសើរ ព្រោះថាអាហារប្រភេទនេះ ក៏ស្ថិតក្នុងបណ្ដុំប្រភេទអាហារដែលផ្ដល់ភាពងាយស្រួល ដល់​ប្រព័ន្ធ​រំលាយអាហារ។ លើសពីនេះ ពោតលីង ក៏ជាអាហារដែលមានកម្រិតកាឡូរីទាប មិនអាច​បង្កឱ្យមានបញ្ហាប្រឈមទៅដល់ផ្នែក​បេះដូង ទឹកនោមផ្អែម ឬមហារីកផ្សេងៗ​៕ ដកស្រង់ពី៖ ហេទ្បូគ្រូពេទ្យ