អត្ថបទដកស្រង់ពី៖ Hello គ្រូពេទ្យ
សុខភាព៖ ការធ្លាក់កំណកឈាមតូចៗ ជារឿងធម្មតានៅថ្ងៃណាដែលមករដូវច្រើន តែនៅពេលខ្លះ ការធ្លាក់ឈាមច្រើន ហើយមានកំណកឈាមធំៗទៀតនោះ គឺអាចមកពីរាងកាយជួបបញ្ហា៦យ៉ាង ដូចខាងក្រាម។
១.ការប្រើប្រាស់ថ្នាំ៖ ថ្នាំមួយចំនួនអាចបណ្ដាលឱ្យមករដូវច្រើន និងមានកំណកឈាមដូចជា ថ្នាំប្រឆាំងនឹងការរលាក ថ្នាំអ័រម៉ូន និងថ្នាំប្រឆាំងនឹងកំណកឈាម អាចរួមចំណែកដល់លំហូរឈាមរដូវមិនប្រក្រតី។ បើធ្លាក់កំណកឈាមកំលុងពេលមករដូវ ត្រូវតាមដានថ្នាំដែលកំពុងតែលេបនោះ និងសាកសួរគ្រូពេទ្យ ពីផលប៉ះពាល់នៃថ្នាំទាំងនោះ។ ២.ជំងឺ Endometriosis ៖ ជំងឺនេះ កើតឡើងនៅពេលដែលជាលិកាធម្មតាលូតលាស់នៅខាងក្នុងស្បូន វិវដ្ដ នៅខាងក្រៅប្រហោងស្បូនទៅវិញ។ កត្តានេះអាចនាំឱ្យមានកំណកឈាម និងការធ្លាក់ឈាមច្រើន ឈឺពោះ និងចុករមួលសាច់ដុំធ្ងន់ធ្ងរ។៣.ក្រពេញទីរ៉ូអ៊ីត៖ ជាក្រពេញនៅត្រង់ក មានតួនាទីផលិត និងចែកចាយអ័រម៉ូន។ បើក្រពេញនេះ មិនដំណើរការត្រឹមត្រូវ អាចប៉ះពាល់ដល់វដ្ដរដូវ ដូចជា ការផលិតអ័រម៉ូនទីរ៉ូអ៊ីតច្រើនពេក ឬតិចពេក អាចប៉ះពាល់ដល់លំហូរ និងបរិមាណនៃឈាមរដូវ។
៤. ជំងឺដុំគីសទឹកលើក្រពេញអូវែ៖ កំណកឈាម និងការធ្លាក់ឈាមច្រើនពេលមករដូវ អាចមានជំងឺដុំគីសទឹក លើក្រពេញអូវែ ដែលជាអតុល្យភាពអ័រម៉ូនទូទៅ។ ថង់តូចៗកកើតឡើងនៅលើអូវែ ដែលនាំឱ្យអូវែមិនអាចទម្លាប់ស៊ុតទៀងទាត់ បង្កឱ្យមករដូវមិនទៀងទាត់។ ៥. រលូតកូន៖ នៅដំណាក់កាលដំបូងនៃការមានផ្ទៃពោះ បើរលូតកូន ឬមានកូនក្រៅស្បូន អាចច្រឡំ និងដំណកឈាមរដូវច្រើនជ្រុល ព្រោះការបាត់បង់កូននៅដំណាក់កាលដំបូង អាចបណ្ដាលឱ្យមានកំណកឈាមធំៗជាងធម្មតា។ ៦. ការពន្យារកំណើត៖ ស្រ្តីៗទើបតែចាប់ផ្ដើមប្រើប្រាស់ការពន្យារកំណើត និងមានធ្លាក់កំណកឈាមធំៗពេលមករដូវ។ ការពន្យារកំណើតប្រភេទខ្លះ ក៏អាចធ្វើឱ្យមករដូវ និងមានកំណកឈាមច្រើន។ ក្នុងករណីនេះ គួរទៅពិគ្រោះយោបល់ជាមួយគ្រូពេទ្យជំនាញ ដើម្បីស្វែងរកវិធីសាស្ត្រពន្យារកំណើតឱ្យបានត្រឹមត្រូវ៕
