សុខភាព៖ ក្នុងរាងកាយនៅពេលដែលរលាករ៉ាំរ៉ៃ អាចប្រឈមនឹងជំងឺកាចសាហាវផ្សេងៗ។ មូលហេតុមួយចំនួនដែលបង្កឱ្យកើតមានការរលាកនៅ ក្នុងរាងកាយដូចជា ហ្សែន បែបបទរស់នៅ របបអាហារ ឬការគេង។
ចំពោះរោគសញ្ញាទាំង៥ បង្ហាញពីការរលាករ៉ាំរ៉ៃ មានដូចជា៖ ១.តឹងច្រមុះ៖ អាការតឹងច្រមុះហាក់ដូចជាគ្មានគ្រោះថ្នាក់ និងអាចធ្វើឱ្យយើងគិតថា វាគ្រាន់តែជាប្រតិកម្ម តាមរដូវកាល ប៉ុន្តែវាអាចមានសភាពធ្ងន់ធ្ងរជាងអី្វដែលយើងគិតទៅទៀត។ ករណីដែលវាមិនបាត់ទៅវិញនៅក្នុងរយៈពេលពីរបីថ្ងៃ នោះវាអាចជាសញ្ញានៃការរលាករ៉ាំរ៉ៃនៅក្នុងរាងកាយ។ ២.ហើមកូនកណ្ដុរ៖ នៅពេលកើតមានកូនកណ្ដុរនៅ-ក ក្រោមក្លៀក ឬក្រលៀន ហើយមានអាការហើម ជាសញ្ញាអាចបញ្ជាក់ថាប្រព័ន្ធភាពស៊ាំមានបញ្ហា។ទាំងនេះតែងកើតឡើង នៅពេលក្ដៅខ្លួន ឬឈឺបំពង់ក ប៉ុន្តែអាការហើមនឹងបាត់ទៅវិញ ក្រោយពេលជាពីជំងឺទាំងនោះ។ប្រសិនបើកូនកណ្ដុរតែងហើម និងធ្វើឱ្យឈឺចាប់ លោកអ្នកគួរទៅមន្ទីរ។
៣.អារម្មណ៍នឿយហត់៖ ប្រសិនបើងគេងតិចជាង៧ម៉ោង ឬច្រើនជាង៩ម៉ោង រាងកាយរបស់នឹងមានអារម្មណ៍នឿយហត់ខ្លាំង។អាការនឿយហត់នេះ មិនងាយបាត់ទៅវិញនៅក្នុងរយៈពេលខ្លីឡើយ វាអាចនឹងបន្តក្នុងរយៈពេលយូរ។ ៤.កើតអាការឈឺខ្លួនមិនបាត់សោះ៖ យើងទាំងអស់គ្នាអាចមានអាការឈឺខ្លួន នៅពេលដែលសីតុណ្ហភាពរាងកាយឡើងខ្ពស់ ប៉ុន្តែប្រសិនបើមានការឈឺចាប់នៅពេលផ្លាស់ទី ឬនៅពេលធ្វើសកម្មភាព នេះមានន័យថា រាងកាយរបស់កំពុងតែផ្ដល់សញ្ញាឱ្យប្រុងប្រយ័ត្ន។ ៥.បញ្ហារំលាយអាហារ៖ ការកើតមានជំងឺរលាកក្រពះ ឬហើមពោះម្ដងម្កាលគឺមិនមានបញ្ហាអ្វីឡើយ។តែប្រសិនបើបញ្ហានេះកើតឡើងជាប្រចាំ គួរទៅមន្ទីរពេទ្យឱ្យបានឆាប់រហ័សពីព្រោះបើមិនមានការព្យាបាលទេនោះ ការរលាកអាចបណ្ដាលឱ្យកើតមានបញ្ហាធ្ងន់ធ្ងរដូចជាជំងឺរលាកពោះវៀនធំ ឬជំងឺរលាកពោះវៀនរ៉ាំរ៉ៃ៕ ដកស្រង់ពី៖ ហេទ្បូគ្រូពេទ្យ
