សុខភាព៖ ការទទួលទានអាហារទៀតទាត់​​ មិន​ត្រឹមតែជួយឱ្យមានសុខភាពល្អ ក៏ជួយស្បែកឱ្យមានសុខភាពភ្លឺថ្លា ថែមទាំងមិនចាំបាច់លាបឡេ។ ក្នុងរបបអាហារប្រចាំថ្ងៃ  នារីៗគ្រប់រូប គួរទទួលទានអាហារទាំងបីប្រភេទដូចដែល SBM News រៀបរាប់ជូនខាងក្រោម...។

១.ទទួលទានវីតាមីន E៖ វីតាមីន E ជួយចិញ្ចឹមស្បែក ក៏ដូចជាកាត់បន្ថយការបំផ្លាញស្បែកពីកាំរស្មីយូវី។ វីតាមីន​ E សម្បូរនៅក្នុងគ្រាប់ផ្កាឈូករ័ត្ន គ្រាប់ល្ពៅ សណ្តែកដី គ្រាប់ផ្លែឈើ ផ្លែប័រ ស្ពៃពួយឡេង ប្រេងអូលីវ និងប្រេងផ្កាឈូករ័ត្ន។ ២.ពិសាវីតាមីន C៖ វីតាមីន C មានសារធាតុប្រឆាំងអុកស៊ីតកម្ម ដែលផ្តល់សំណើមដល់ស្បែក ធ្វើឱ្យស្បែកភ្លឺថ្លា កាត់បន្ថយស្នាមអុជខ្មៅ ស្នាមជ្រីវជ្រួញ និងពន្យារភាពចាស់។ បន្លែដែល​សម្បូរ​ទៅដោយវីតាមីនមួយនេះ រួមមាន៖ ម្ទេសហាវៃ ប៉េងប៉ោះ ប្រូខូលី ផ្កាខាត់ណា ស្ពៃពួយឡេង ស្ពៃក្តោប ដំឡូង​បារំាង និងសណ្តែកបារាំង។ រីឯផ្លែឈើដែលមានវីតាមីន C ខ្ពស់មានដូចជា ផ្លែប៉េស ត្រសក់ស្រូវផ្អែម ផ្លែឈើអម្បូរក្រូច ល្ហុង ស្រ្តបប័ររី គូលែន សារី ត្របែក គីវី និងម្នាស់។

៣.ទទួលទានទឹក៖ ការពិសាទឹកឱ្យបានគ្រប់គ្រាន់ នឹងជួយឱ្យស្បែកមានសំណើម។ កាត់បន្ថែមជាតិស្ករព្រោះ មានប្រតិកម្មជាមួយប្រូតេអ៊ីន ដោយជំរុញដំណើរការ glycation។ ដំណើរការនេះ ធ្វើឱ្យស្បែកជ្រីវជ្រួញ និងឆាប់ចាស់។ មួយទៀត ចៀសវាងអាហារបំពង​ក្នុងប្រេងមានសីតុណ្ហភាព​​ខ្ពស់ នាំឱ្យបញ្ចេញ​រ៉ាឌីកាល់​សេរី អាចបំផ្លាញកោសិកាស្បែក។ ការ​ប៉ះពាល់រ៉ាឌីកាល់សេរី នឹងធ្វើឱ្យបង្កើន​ល្បឿនភាព​ចាស់នៃ​ស្បែក​ ប៉ះពាល់ដល់​ម៉ូលេគុល DNA និងធ្វើឱ្យភាពយឺតរបស់ស្បែកចុះខ្សោយ៕ អត្ថបទដកស្រង់ពី៖ Hello គ្រូពេទ្យ