អ្នកខ្លះដោយសារការរវល់ប្រចាំថ្ងៃ ធ្វើឱ្យពួកគេញ៉ាំអាហារនៅពេលយប់។ យ៉ាងណាមិញ ក៏មានផងដែរ អ្នកដែលមានទម្លាប់ញ៉ាំអាហារពេលយប់ដោយចេតនា។ ទោះជាយ៉ាងណាក៏ដោយ ការញ៉ាំនៅពេលយប់អាចប៉ះពាល់ដល់ទម្ងន់របស់អ្នក ហានិភ័យនៃជំងឺច្រាលអាស៊ីត រួមទាំងបញ្ហាសុខភាពដទៃទៀត។ 

១. ​ប៉ះពាល់ទម្ងន់៖ ការទទួលទានអាហាររបស់អ្នកនៅពេលយប់ជ្រៅក៏អាចនាំឱ្យមានការបន្ថយការទទួលបានកាឡូរី ដូច្នេះវារារាំងការឡើងទម្ងន់។ ទោះយ៉ាងណាក៏ដោយ គេត្រូវការការស្រាវជ្រាវបន្ថែម។

២. រោគសញ្ញាមេតាប៉ូលីស៖ រោគសញ្ញាមេតាបូលីក គឺជាក្រុមនៃលក្ខខណ្ឌដែលរួមមានភាពធន់នឹងអាំងស៊ុយលីន ភាពធាត់ សម្ពាធឈាមខ្ពស់ និងកូលេស្តេរ៉ុលខ្ពស់។ ការសិក្សាមួយបានពិនិត្យមើលឥទ្ធិពលមេតាបូលីសនៃអាហារពេលល្ងាចយឺត ពោលគឺនៅម៉ោង ៩ យប់ ធៀបនឹងអាហារពេលល្ងាចធម្មតា ម៉ោង ៦ ល្ងាច ក្នុងមនុស្សពេញវ័យ ២០ឆ្នាំ ។ អាហារពេលល្ងាចយឺតបានធ្វើឱ្យកម្រិតជាតិស្ករក្នុងឈាមកើនឡើងខ្ពស់នៅព្រឹកបន្ទាប់ និងកាត់បន្ថយការបំបែកខ្លាញ់ក្នុងរបបអាហារ បើធៀបនឹងអាហារពេលល្ងាចធម្មតា។ ក្នុងរយៈពេលវែង នេះអាចរួមចំណែកដល់ការធាត់។

៣. ការចាល់អាស៊ីត៖ ការញ៉ាំយឺតពេកអាចបង្កើនហានិភ័យនៃការចាល់អាស៊ីត ជាពិសេសប្រសិនបើអ្នកចូលគេងភ្លាមៗបន្ទាប់ពីអាហារ។ ការច្រាលកើតឡើងនៅពេលដែលអាស៊ីតនៅក្នុងក្រពះចាប់ផ្តើមធ្វើឱ្យរលាកស្រទាប់បំពង់អាហារ។ រយៈពេលវែង វាអាចបណ្តាលឱ្យកើតជំងឺច្រាលក្រពះពោះវៀន។ 

៤. ជម្រើសអាហារមិនល្អ៖ ការញ៉ាំនៅពេលយប់ អាចនាំឱ្យអ្នកញ៉ាំច្រើនពេក ឬជ្រើសរើសអាហារងាយស្រួល និងរហ័ស ដែលទំនងជាមិនល្អចំពោះសុខភាព។ លើសពីនេះ ការមិនទទួលទានអាហារគ្រប់គ្រាន់ពេញមួយថ្ងៃ អាចនាំឱ្យមានការញ៉ាំច្រើននៅពេលយប់។

ភស្តុតាងខ្លះបង្ហាញថាការញ៉ាំនៅពេលយប់អាចជះឥទ្ធិពលអវិជ្ជមានដល់ទម្ងន់ និងកត្តាហានិភ័យនៃការរំលាយអាហារ។ ទោះជាយ៉ាងណាក៏ដោយ គុណភាព និងបរិមាណនៃអាហាររបស់អ្នកគឺមានសារសំខាន់ដូចគ្នាដែរ៕ healthline