និយាយជាទូទៅ ការក្អកគឺជារឿងធម្មតាទេសម្រាប់មនុស្សម្នាក់ ព្រោះវាអាចជួយរក្សាបំពង់ករបស់អ្នកឱ្យរួចផុតពីក្លិនមាត់ និងការរលាកផ្សេងៗ។ ប៉ុន្តែទោះជាយ៉ាងណា ការក្អកជាប់រហូតក៏អាចជារោគសញ្ញានៃលក្ខខណ្ឌមួយចំនួនដូចជា អាឡែស៊ី ការឆ្លងមេរោគ ការឆ្លងមេរោគបាក់តេរី ជំងឺច្រាលក្រពះពោះវៀន (GERD)។ល។ បន្ថែមពីលើការព្យាបាលដោយថ្នាំ មានជម្រើសផ្សេងទៀតដើម្បីជួយដល់ការក្អករបស់អ្នកបានប្រសើរ ក្នុងនោះមានដូចជាឱសថបែបធម្មជាតិដូចខាងក្រោម៖
១. ទឹកឃ្មុំ
ទឹកឃ្មុំជាឱសថដ៏ស័ក្តិសមសម្រាប់ការឈឺបំពង់ក។ យោងតាមការសិក្សាមួយបានរកឃើញថា ទឹកឃ្មុំអាចបំបាត់ការក្អកបានយ៉ាងមានប្រសិទ្ធភាពជាងថ្នាំ។ អ្នកអាចបង្កើតវិធីព្យាបាលដោយខ្លួនឯងនៅផ្ទះដោយលាយទឹកឃ្មុំ ២ស្លាបព្រាជាមួយតែរុក្ខជាតិ ឬទឹកក្ដៅឧណ្ហៗ និងក្រូចឆ្មារ។ ទឹកឃ្មុំជួយសម្រួលដល់ការបន្ទោរបង់ ចំណែកទឹកក្រូចឆ្មារអាចជួយសម្រួលដល់ការកកស្ទះផ្លូវដង្ហើម។
២. ជីអង្កាម
ជីអង្កាម ត្រូវបានគេស្គាល់យ៉ាងច្បាស់សម្រាប់លក្ខណៈសម្បត្តិព្យាបាលអញ្ចាញនិងធ្មេញ ជាពិសេសគឺសម្រួលខាងផ្លូវដង្ហើម។ សារធាតុ Menthol នៅក្នុងជីអង្កាមអាចជួយសម្រួលដល់បំពង់ក និងអាចធ្វើឱ្យការដកដង្ហើមងាយស្រួលជាងមុន។
៣. ទឹកអំបិល
បើទោះជាវិធីព្យាបាលនេះហាក់ដូចជាសាមញ្ញបន្តិច ប៉ុន្តែអំបិលនិងទឹកពិតជាអាចជួយបន្ធូរបំពង់ក ដែលបណ្តាលឱ្យក្អកបាន។ ការលាយអំបិល ១/៤ ទៅ ១/២ ស្លាបព្រាកាហ្វេ ជាមួយទឹកក្ដៅ អាចជួយបំបាត់ការរមាស់កបាន។
៤. ខ្ញី
ខ្ញីគឺជាឱសថបុរាណដ៏ពេញនិយម។ វាត្រូវបានគេប្រើជាញឹកញាប់ដើម្បីព្យាបាលការចង្អោ និងឈឺក្រពះ ប៉ុន្តែវាក៏អាចបំបាត់ការក្អកផងដែរ។ ការសិក្សាមួយក្នុងមន្ទីរពិសោធន៍ បានណែនាំថា ខ្ញីអាចបន្ធូរសាច់ដុំផ្លូវដង្ហើម។ វាអាចមានប្រយោជន៍សម្រាប់រោគសញ្ញានៃជំងឺហឺត រួមទាំងការក្អកផងដែរ។ ខ្ញីក៏មានសមាសធាតុប្រឆាំងនឹងការរលាកដែលអាចកាត់បន្ថយការរលាក និងហើមបំពង់ក។ ប្រសិនបើអ្នកមានអាការក្អក តែខ្ញីគឺជាជម្រើសដ៏ល្អបំផុត។
៥. រមៀត
រមៀតត្រូវបានប្រើប្រាស់សម្រាប់ជំងឺជាច្រើនឆ្នាំកន្លងមក រួមទាំងការក្អកផងដែរ។ សមាសធាតុសកម្មរបស់វា មានលក្ខណៈសម្បត្តិប្រឆាំងនឹងការរលាកដ៏ខ្លាំងក្លា។ វាត្រូវបានណែនាំឱ្យទទួលទានជាមួយម្រេចខ្មៅ។ សាកល្បងញ៉ាំតែរមៀតក្ដៅ ដោយបន្ថែមម្រេចខ្មៅមួយស្លាបព្រាបាយ និងទឹកឃ្មុំបន្តិចដើម្បីភាពផ្អែម៕
ប្រភព៖ healthline
