ដោយហេតុថា រន្ធត្រចៀកខាងក្នុងគឺជាផ្នែកមួយដែលយើងពិបាកមើលឃើញ និងថែទាំ ដូច្នេះការរមាស់ត្រចៀកវាក្លាយជារឿងទូទៅសម្រាប់យើង។ ប៉ុន្តែ ក្នុងករណីដែលគួរបារម្ភ អ្នកអាចនឹងមានការរមាស់ត្រចៀករ៉ាំរ៉ៃដោយសារតែវាមានប្រតិកម្មខ្លាំង ឬបណ្ដាលមកពីជំងឺមួយចំនួន។
តើអ្វីបណ្តាលឱ្យរមាស់ត្រចៀក?
ការរមាស់ត្រចៀកអាចជាលទ្ធផលនៃស្ថានភាពមួយចំនួនដូចជា៖
ស្បែកស្ងួត
ប្រសិនបើត្រចៀករបស់អ្នកមិនផលិតជាតិក្រមួនគ្រប់គ្រាន់ ស្បែកត្រចៀករបស់អ្នកអាចស្ងួត និងរមាស់។ អ្នកប្រហែលជាសម្គាល់ឃើញស្បែកប្រេះចេញពីត្រចៀក ឬមានស្បែករបកចេញពីស្រទាប់សាច់ត្រចៀកខាងក្នុង។
ជំងឺរលាកស្បែកក្នុងរន្ធត្រចៀក
ស្ថានភាពនេះកើតឡើងនៅពេលដែលស្បែកក្នុង និងជុំវិញរន្ធត្រចៀករបស់អ្នករលាក។ វាអាចជាលទ្ធផលនៃប្រតិកម្មទៅនឹងផលិតផលនៅក្នុងឬនៅជិតត្រចៀករបស់អ្នក ដូចជាផលិតផលថែរក្សាស្បែក ឬលោហៈនៅក្នុងក្រវិលជាដើម។
Otitis externa (ការឆ្លងមេរោគត្រចៀកខាងក្រៅ)
Otitis externa ឬការឆ្លងមេរោគត្រចៀកខាងក្រៅ ដែលអាចបណ្តាលឱ្យឈឺត្រចៀកក៏ដូចជារមាស់។
ភាគច្រើននៃជំងឺនេះ គឺកើតឡើងទៅលើអ្នកហែលទឹក ដែលបណ្តាលមកពីការឆ្លងមេរោគ។ វាអាចបណ្ដាលឱ្យឡើងក្រហមនិងហើម។
ការប្រើប្រាស់ឧបករណ៍ស្តាប់
ឧបករណ៍ស្តាប់ក៏អាចធ្វើឱ្យទឹកជាប់ត្រចៀក ឬបង្កឱ្យមានប្រតិកម្មចំពោះឧបករណ៍ស្តាប់ផ្ទាល់តែម្ដង។ ឧបករណ៍ស្តាប់ដែលមិនសមនឹងទំហំក្បាល ក៏អាចដាក់សម្ពាធលើកន្លែងខ្លះនៃត្រចៀក ដែលនាំឱ្យកើតរមាស់ផងដែរ។
ជំងឺស្បែក psoriasis
ជំងឺស្បែក psoriasis គឺជាជំងឺស្បែកដែលបណ្តាលឱ្យមានកន្ទួលក្រហម។ ជំងឺស្បែក psoriasis អាចកើតឡើងនៅលើផ្នែកដែលអាចមើលឃើញនៃរាងកាយរបស់អ្នក ដូចជាដៃរបស់អ្នក ឬខាងក្នុងត្រចៀករបស់អ្នក។ បន្ថែមពីនេះ នៅពេលឆ្លងមេរោគធ្វើឱ្យរមាស់ត្រចៀក អ្នកអាចត្រូវបានអមដោយរោគសញ្ញា៖
- គ្រុន
- ហើម
- ការហូរទឹកចេញពីត្រចៀក
ពេលណាត្រូវស្វែងរកជំនួយពីគ្រូពេទ្យ
ស្វែងរកការព្យាបាលជាបន្ទាន់ប្រសិនបើ៖
- អ្នកកំពុងមានការហូរឈាមធ្ងន់ធ្ងរ ឬហូរចេញពីត្រចៀករបស់អ្នក។
- អ្នកបាត់បង់ការស្តាប់ភ្លាមៗ ឬស្ដាប់មិនឮ
សូមទៅជួបគ្រូពេទ្យជាបន្ទាន់ ប្រសិនបើរោគសញ្ញាត្រចៀករមាស់របស់អ្នកមិនប្រសើរឡើងតាមពេលវេលា ឬការថែទាំនៅផ្ទះ។ គ្រូពេទ្យទំនងជានឹងពិនិត្យត្រចៀករបស់អ្នក និងយកប្រវត្តិវេជ្ជសាស្ត្រ ដើម្បីជួយកំណត់មូលហេតុដែលអាចកើតមាន។ គ្រូពេទ្យរបស់អ្នកក៏អាចរកមើលក្រអូមត្រចៀក ឬក្រមួនត្រចៀកដែលនៅជិតនឹងក្រដាសត្រចៀក ដែលអាចបណ្តាលឱ្យរមាស់។ ដើម្បីបញ្ជាក់ពីមូលហេតុ ពួកគេទំនងជានឹងសួរអំពីរោគសញ្ញាផ្សេងទៀតដែលអ្នកមាន ដូចជាគ្រុនក្ដៅ ។ល។
តើអ្នកអាចការពារត្រចៀករមាស់ដោយរបៀបណា?
ដើម្បីការពារកុំឱ្យរលាកត្រចៀក សូមចៀសវាងការសម្អាតត្រចៀកជាមួយវត្ថុដូចជា៖
- កប្បាសដុំ
- ឧបករណ៍ត្បារធ្វើពីកប្បាស
- ឃ្នាបកៀបក្រដាស
- ម្ជុល
វិធីផ្សេងទៀតដើម្បីជៀសវាងការរមាស់ក្នុងត្រចៀករបស់អ្នករួមមាន៖
ប្រើគ្រឿងអលង្ការប្រឆាំងនឹងអាឡែរហ្សីដែលអាចការពារប្រតិកម្មអាឡែស៊ីដែលនាំឱ្យរមាស់។ ប្រសិនបើអ្នកហែលទឹកញឹកញាប់ ចូរប្រើដំណោះស្រាយណាមួយដើម្បីសម្ងួតទឹកដែលលើសនៅក្នុងរន្ធត្រចៀករបស់អ្នកឱ្យបានល្អបំផុតតាមដែលអាចធ្វើបាន៕
ប្រភព៖ healthline
