ខេត្តបាត់ដំបង៖ នាយកសាលាបឋមសិក្សាវត្តកែវ ត្រូវបានសមត្ថកិច្ចនគរបាលឃាត់ខ្លួន ពាក់ព័ន្ធករណីរួមភេទជាមួយសិស្សស្រីជាអនីតិជន នៅក្នុងគ្រឹះស្ថានសិក្សា ដែលបណ្ដាលឱ្យមានការរិះគន់ និងថ្កោលទោសយ៉ាងខ្លាំងពីមហាជន។ នេះបើតាមស្នងការដ្ឋាននគរបាលខេត្តបាត់ដំបង់។ មានការអះអាងថា ក្មេងស្រីរងគ្រោះ ទើបតែមានអាយុ១២ឆ្នាំប៉ុណ្ណោះ។

ក្រោមកិច្ចសហការរវាងអង្គការពារកុមារ CPU អគ្គស្នងការដ្ឋាននគរបាលជាតិ និងស្នងការដ្ឋាននគរបាលខេត្តបាត់ដំបង បានបើកការស្រាវជ្រាវរហូតឈានដល់ការចាប់ខ្លួនជនល្មើសឈ្មោះ ជក់ ហុង ជានាយកសាលាបឋមសិក្សាវត្តកែវ នៅរសៀលថ្ងៃទី៩ ខែកញ្ញា ឆ្នាំ២០២៦។ ការចាប់ខ្លួននេះ ធ្វើឡើងតាមដីការបស់តំណាងអយ្យការអមសាលាដំបូងខេត្តបាត់ដំបង។ បច្ចុប្បន្ន ជនសង្ស័យ ត្រូវបានបញ្ជូនទៅស្នងការដ្ឋាននគរបាលខេត្តបាត់ដំបង ដើម្បីសាកសួរបន្ថែម និងបន្តអនុវត្តតាមនីតិវិធីច្បាប់ជាធរមាន៕