សុខភាព៖ រាងកាយពិតជាត្រូវការអុកស៊ីហ្សែនណាស់ ព្រោះមានសារសំខាន់បំផុតសម្រាប់ទ្រទ្រង់ជីវិត។ បើសារធាតុចិញ្ចឹមដែលបានពីអាហារវិញក៏សំខាន់ដែរ ក្នុងការរក្សាកម្រិតអុកស៊ីហ្សែនក្នុងរាងកាយឱ្យមានដំណើរការល្អ…។
អាហារដែលជួយរក្សាកម្រិតអុកស៊ីសែនក្នុងរាងកាយ មានដូចជា៖ ១.ជាតិសរសៃ៖ ជាតិសរសៃ ផ្តល់គុណប្រយោជន៍ដល់សុខភាពជាច្រើន ដូចជាធ្វើឱ្យសុខភាពពោះវៀនល្អ កាត់បន្ថយចំណង់អាហារ និងកម្រិតកូលេស្តេរ៉ូល។ អាហារទាំងនេះ មានដូចជាផ្លែស្ត្រប៊ឺរី ប័រ ផ្លែប៉ោម ផ្កាខាត់ណាខៀវ ការ៉ុត សណ្ដែក និងគ្រាប់ធញ្ញជាតិ ដោយសារតែវាមាន pH៨ ងាយស្រួលក្នុងការរំលាយអាហារ។ លើសពីនេះអាហារ ដែលមានជាតិសរសៃខ្ពស់ ក៏មានអង់ស៊ីមជាច្រើន អាចជួយរក្សាតុល្យភាពអ័រម៉ូនរបស់រាងកាយ និងបង្កើនកម្រិតអុកស៊ីហ្សែនក្នុងឈាមផងដែរ។ ២.ផ្លែក្រូចឆ្មារ៖ ក្រូចឆ្មារ ជាអាហារកំពូលដែលសម្បូរទៅដោយអុកស៊ីហ្សែន។ វាមានជាតិអាស៊ីដ ប៉ុន្តែនឹងប្រែទៅជាសារធាតុអាល់កាឡាំងក្រោយពេលទទួលទាន។ ក្រូចឆ្មារ មានផ្ទុកសារធាតុអេឡិចត្រូលីត្រ ជាអាហារអាល់កាឡាំងដ៏ល្អ។
ក្រូចឆ្មារនេះដែរ មានប្រសិទ្ធភាពក្នុងការព្យាបាលជំងឺក្អក ផ្ដាសាយ គ្រុនក្ដៅ ក្រហាយទ្រូង និងជំងឺផ្សេងៗទៀតជាច្រើន។ ៣. អាហារសម្បូរសារធាតុប្រឆាំងអុកស៊ីតកម្ម៖ អាហារសម្បូរសារធាតុប្រឆាំងអុកស៊ីតកម្ម មានសារសំខាន់ក្នុងការថែទាំសុខភាព។ អាហារដែលសម្បូរទៅដោយសារធាតុប្រឆាំងនឹងអុកស៊ីតកម្ម អាចការពារកោសិកាប្រឆាំងនឹងរ៉ាឌីកាល់សេរី កាត់បន្ថយហានិភ័យនៃជំងឺបេះដូង និងជំងឺមហារីកជាក់លាក់មួយចំនួន។ អាហារសម្បូរសារធាតុប្រឆាំងអុកស៊ីតកម្មមានដូចជា ផ្លែប័រ ចេក ការ៉ុត ខ្ទឹមស និងផ្លែលម៉ើ មានកម្រិតអុកស៊ីតកម្មខ្ពស់ ដែលមានគុណប្រយោជន៍ល្អៗដល់សុខភាព៕ អត្ថបទដកស្រង់ពី៖ Hello គ្រូពេទ្យ
