ហោរាសាស្ដ្រ៖ លោកអ្នកនាងជាទីមេត្រីថ្ងៃនេះ SBM News សូមលើកយកជោគជតារាសីសម្រាប់ថ្ងៃពុធ ៣កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០១ ខែមករា ឆ្នាំ២០២៥ ដែលមានដូចតទៅ៖
ឆ្នាំជូត៖ (ធាតុទឹក ពង្សទេវតាប្រុស) រាសីរបស់អស់លោកអ្នកដែលកើតឆ្នាំជូត ថ្ងៃនេះ ឡើងខ្ពស់ត្រដែត ។ លោកអ្នកអាចប្រកបកិច្ចការងារប្រចាំថ្ងៃដោយក្ដីសប្បាយរីករាយ ព្រោះតែអ្វីដែលលោកអ្នកប៉ងប្រាថ្នាជាយូរមកហើយនោះ នឹងទទួលបានដូចបំណង។ សម្រាប់រឿងគ្រួសារ និងស្នេហា មានភាពត្រជាក់ត្រជុំ ដូចទឹកអម្រឹត ។
ឆ្នាំឆ្លូវ៖(ធាតុដី ពង្សមនុស្សប្រុស) រាសីរបស់អស់លោកអ្នកដែលកើតឆ្នាំឆ្លូវ ថ្ងៃនេះ ធ្លាក់ចុះ។ ដាច់ខាតកុំជឿតាមពាក្យអូសទាញរបស់អ្នកដទៃ ហើយកុំនាំអ្នកមិនដែលស្គាល់ចូលផ្ទះក្រែងមានក្ដីអន្តរាយ។ បើជាអ្នករកស៊ី អាចនឹងប្រឈមមុខនឹងការចាញ់បោកគេ ខាតបង់ប្រាក់កាស ឈានទៅដល់បែកបាក់គ្រួសារ ប្រពន្ធកូនព្រោះតែភាពឆេវឆាវ ម៉ួម៉ៅមួយពេលខ្លី។ រឿងស្នេហានិងគ្រួសារ ត្រូវមានការអត់ធ្មត់ឱ្យបានខ្ពស់។
ឆ្នាំខាល៖ (ធាតុឈើ ពង្សយក្សស្រី) អស់លោកអ្នកដែលកើតឆ្នាំខាល ថ្ងៃនេះរាសីមធ្យម។ រាល់កិច្ចការងារប្រចាំថ្ងៃទាំងឡាយ នឹងប្រព្រឹត្តិទៅរលូនធម្មតា គ្រាន់តែមិនទទួលបានលទ្ធផលដូចការរំពឹងទុក។ ចំពោះរឿងគ្រួសារ និងស្នេហា មិនមានបញ្ហារកាំរកូសណាមួយឡើយ។
ឆ្នាំថោះ៖ (ធាតុឈើ ពង្សមនុស្សស្រី) អស់លោកអ្នកដែលកើតឆ្នាំ ថោះ ថ្ងៃនេះរាសី ល្អបង្គួរ។ រាល់ការធ្វើដំណើរទៅទីជិតទីឆ្ងាយ និងប្រកបតែសេចក្ដីសុខសប្បាយ ហើយកិច្ចការងារទាំងឡាយក៏សម្រេចទៅយ៉ាងរលូនដែរ។ ចំពោះស្នេហា និងគ្រួសារ មានភាពចុះសម្រុង យល់ចិត្តគ្នាទៅវិញទៅមក។
ឆ្នាំរោង៖ (ធាតុមាស ពង្សទេវតាប្រុស) រាសីរបស់អស់លោកអ្នកដែលកើតឆ្នាំរោង ថ្ងៃនេះ ឡើងខ្ពស់ត្រដែត ។ ថ្ងៃនេះលោកអ្នកអាចនឹងមានសំណាងជាលាភសក្ការ និងដំណែងថ្មី ឱកាសថ្មី នៅក្នុងការងារ ក៏ដូចជារបររកស៊ី។ ត្រូវចេះធ្វើទានជាមួយអ្នកក្រខ្សត់ ដើម្បីឱ្យបុណ្យកុសល កាន់តែមាន ជួយចម្រុងចម្រើនអ្នកនៅថ្ងៃអនាគត។ ចំពោះគ្រួសារ និងស្នេហា មានផ្អែមល្ហែម ត្រជាក់ត្រជុំ ដូចទឹកអង្គបំពង់ខ្ចី។
ឆ្នាំម្សាញ់៖ (ធាតុភ្លើង ពង្សមនុស្សប្រុស) រាសីរបស់អស់លោកអ្នកដែលកើតឆ្នាំម្សាញ់ ឡើងខ្ពស់ត្រដែត ។ លោកអ្នកនឹងមានអ្នកតាមជួយជ្រោមជ្រែងទាំងការងារ និងរបររកស៊ី ។ ប្រកបការណ៍អ្វីក៏សម្រេច ដាក់ចុះដុះឡើង និងសមប្រកបទៅតាមសេចក្ដីប្រាថ្នារបស់អ្នក។ ចំពោះរឿងគ្រួសារ និងស្នេហា មានតែភាពផ្អែមល្ហែម យល់ចិត្តគ្នាទៅវិញទៅមក។
ឆ្នាំមមី៖ (ធាតុភ្លើង ពង្សទេវតាស្រី) អស់លោកអ្នកដែលកើតក្នុងឆ្នាំមមី ថ្ងៃនេះរាសី ឡើងខ្ពស់ត្រដែត។ ថ្ងៃនេះលោកអ្នកអាចនឹងមានដំណឹងល្អពីគម្រោងអ្វីមួយរបស់អ្នក ដែលធ្លាប់បានគិតទុកមកជាយូរ។ បើជាអ្នកធ្វើការជាបុគ្គលិក មន្ត្រីរាជការ នឹងទទួលបានការស្ញប់ស្ញែង ក៏ដូចជាអំណោយពីសំណាក់ចៅហ្វាយនាយ។ ឯរឿងគ្រួសារ និងស្នេហា ជួបតែភាពរីករាយ និងផ្អែមល្ហែមជានិច្ច។
ឆ្នាំមមែ៖ (ធាតុមាស ពង្សទេវតាស្រី) ថ្ងៃនេះលោកអ្នកដែលកើតឆ្នាំ មមែ រាសី ធ្លាក់ចុះ។ លោកអ្នកអាចនឹងមានភាពល្អក់កករ ឬជម្លោះនៅក្នុងរង្វង់ការងារ ហើយអាចនឹងនាំឱ្យបាត់បង់ការងារធ្វើទៀតផង។សម្រាប់អ្នករកស៊ី អាចនឹងស្ងាត់បាត់អតិថិជន ហើយធ្ងន់ជាងនេះអាចនឹងត្រូវបង់ទ្រព្យទៀតផង។ ដូច្នេះត្រូវប្រុងប្រយ័ត្ន ហាមចាយវាយខុសខ្ទង់ និងហាមបង់ប្រាក់កក់ផ្សេងៗ។ ចំពោះរឿងគ្រួសារ និងស្នេហា អាចនឹងមានរឿងរកាំរកូសបន្តិចបន្តួច។
ឆ្នាំវក៖ (ធាតុដែក ពង្សយក្សប្រុស) លោកអ្នកដែលកើតឆ្នាំ វក រាសី ឡើងខ្ពស់ ។ លោកអ្នកអាចនឹងថ្លាចិត្ត ថ្លាគំនិត គិតអ្វីក៏ចេញ ធ្វើអ្វីក៏សម្រេច ហើយជាពិសេសលោកអ្នកអាចនឹងមានឱកាសបានទទួលការងារថ្មី ចំណូលច្រើនសមនឹងចិត្តប្រាថ្នា។ ចំពោះរឿងគ្រួសារ និងស្នេហា នឹងកាន់តែមានភាពផ្អែមល្ហែម ល្អូកល្អិនដូចស្រមោចនិងស្ក។
ឆ្នាំរកា៖ (ធាតុដែក ពង្សយក្សប្រុស)អស់លោកអ្នកដែលកើតឆ្នាំរកា ថ្ងៃនេះរាសី ធ្លាក់ចុះ ។ លោកអ្នកនឹងមានអារម្មណ៍តានតឹងខ្លាំងនៅក្នុងកិច្ចការងារប្រចាំថ្ងៃ ហើយនឹងប្រឈមមុខនឹងការបាត់បង់ការងារ ដោយសារការមិនពេញចិត្តពីចៅហ្វាយនាយ។ ចំពោះរឿងគ្រួសារ និងស្នេហា នឹងមានភាពរកាំរកូស ឈ្លោះទាស់ទែង អាចនឹងឈានទៅរកភាពប្រេះស្រាំ តែអ្វីគ្រប់យ៉ាងនឹងល្អប្រសើរឡើងវិញ បើសិនចេះអត់ឱនឱ្យគ្នា។
ឆ្នាំច៖ (ធាតុដី ពង្សយក្សស្រី) លោកអ្នកដែលកើតឆ្នាំ ច ថ្ងៃនេះរាសី មធ្យម។ រាល់កិច្ចការងារទាំងឡាយរបស់អស់លោកអ្នកថ្ងៃនេះ នឹងប្រព្រឹត្តិទៅជាធម្មតា មិនមានបញ្ហាចោទឡើយ។សម្រាប់អ្នកប្រកបរបររកស៊ី អាចនឹងទទួលបានប្រាក់ចំណូលតិចតួចតែមិនថ្វីទេ ព្រោះនៅក្នុងគ្រួសារ មានតែភាពសប្បាយរីក ហើយស្នេហាទៀតសោត ក៏ផ្អែមល្ហែមដូចស្រមោចនិងស្ករ។
ឆ្នាំកុរ៖ (ធាតុទឹក ពង្សមនុស្សស្រី) រាសីរបស់លោកអ្នកដែលកើតឆ្នាំ កុរ ថ្ងៃនេះ ឡើងខ្ពស់ត្រដែត ។ លោកនឹងទួលបានដំណឹងល្អពីការងារថ្មី ដែលជាការងារក្នុងក្ដីប្រាថ្នា គួរចាប់ឱកាសនេះឱ្យជាប់ព្រោះអាចនឹងមានឥទ្ធិពលខ្លាំងទៅអនាគតរបស់អ្នក។ ចំពោះរឿងគ្រួសារ និងស្នេហា មានតែភាពផ្អែមល្ហែម យល់ចិត្តគ្នាទៅវិញទៅមក៕
