តម្លៃមានទំនោរកើនឡើង និងបានកើនដល់តម្លៃខ្ពស់ក្នុងរយៈពេល ២សប្តាហ៍ក្នុងសប្តាហ៍នេះ ព្រមទាំងបានទាក់ទាញនូវចំណាប់អារម្មណ៍របស់វិនិយោគិន។ អ្នកជួញដូរលោហធាតុមានតម្លៃនេះ កំពុងទន្ទឹមរង់ចាំងនូវព័ត៌មានសំខាន់ដែលនឹងចេញពីសហរដ្ឋអាម៉េរិកក្នុងសប្តាហ៍នេះ ដែលនៅថ្ងៃព្រហស្បតិ៍ពេលព្រឹកនឹងមានព័ត៌មានពាក់ព័ន្ធនឹងសន្ទស្សន៍តម្លៃអ្នកប្រើប្រាស់សម្រាប់ខែមករា ដែលរំពឹងទុកថានឹងមានការកើនឡើង ៧.២% ធៀបនឹងឆ្នាំចាស់ ហើយវានឹងក្លាយជាប្រធានបទដ៏ក្ដៅមួយ ប្រសិនបើតួលេខចេញផ្សាយដូចទៅនឹងការរំពឹងទុក។
ភាគហ៊ុនអាម៉េរិកហាក់ដូចកំពុងកើនឡើង ដែលសន្ទស្សន៍កំពុងតែកើនឡើងខ្ពស់ជាងមុន។ ការចេញផ្សាយនូវទិន្នន័យប្រាក់ចំណេញនៅតែបន្តជាចំណាប់អារម្មណ៍ទីផ្សារ។ ក្រៅពីការកើនឡើងនៃទិន្នន័យប្រាក់ចំណេញ វិនិយោគិននៅតែព្រួយបារម្ភទាក់ទងនឹងការកើនឡើងនៃអតិផរណា និងការរិតបន្តឹងនូវគោលនយោបាយរូបិយវត្ថុរបស់ធនាគារកណ្ដាល។ ការកើនឡើងនៃទិន្នផលបណ្ណបំណុលរតនាគារជាតិនៅសប្តាហ៍នេះ ដែលទីផ្សារកំពុងសម្លឹងទៅលើការដំឡើងអត្រាការប្រាក់នៅប៉ុន្មានខែខាងមុខនេះ។
ទីផ្សារក៏កំពុងយកចិត្តទុកដាក់ទៅលើការដាក់ពង្រាយទ័ព និងអាវុធរបស់រុស្ស៊ីនៅក្បែរទៅនឹងព្រំដែនរបស់ប្រទេសអ៊ុយក្រែន។ ប៉ុន្តែ រុស្ស៊ីអាចនឹងមិនធ្វើការវាយប្រហារទៅលើប្រទេសអ៊ុយក្រែនឡើយ ស្របពេលដែលសហភាពអឺរ៉ុបកំពុងតែមានភាពច្របូកច្របល់ជុំវិញបញ្ហាការទូត។
តាមការវិភាគតាមបច្ចេកទេសវិញ តម្លៃនៃកិច្ចសន្យាអនាគតរបស់មាសមានការកើនឡើងដល់តម្លៃខ្ពស់បំផុត ក្នុងរយៈពេល ២សប្តាហ៍នៅថ្ងៃនេះ។ ទំនោរកើនឡើងរយៈពេលខ្លីត្រូវបានបង្កើតឡើង ហើយការកើនឡើងនេះនឹងទៅកាន់តម្លៃរបាំងដល់រឹងមាំមួយ ដែលតម្លៃខ្ពស់ក្នុងការមករា ក្នុងតម្លៃ ១,៨៥៦.៧០។ ប៉ុន្តែទំនោរធ្លាក់ចុះរយៈពេលខ្លី នឹងរុញតម្លៃទៅក្រោមតម្លៃទម្រដ៏រង់មាំ ដែលជាតម្លៃទាបសម្រាប់ខែមករា ក្នុងតម្លៃ ១,៧៨០.៦០។ របាំងទី១ ស្ថិតក្នុងតម្លៃ ១,៨៤០.០០ បន្ទាប់មកគឺ ១,៨៥០.០០។ ទម្រទី១ ស្ថិតក្នុងតម្លៃ ១,៨២៥.៥០ បន្ទាប់មកគឺ ១,៨១៦.០០។
វិភាគដោយ៖ លោក ឈា ឆាយហេង ប្រធានផ្នែកប្រឹក្សាយោបល់ហិរញ្ញវត្ថុនៃក្រុមហ៊ុន ហ្គោលដេន អេហ្វអិកស៍ លីង ឃែភីថល
គេហទំព័រក្រុមហ៊ុន៖www.goldenfxlink.com
ទំព័រ Facebook ក្រុមហ៊ុន៖ Golden FX Link Capital Co., Ltd.
ទូរសព្ទទំនាក់ទំនង៖ ០២៣ ២២ ៦៦៦៦
កំណត់ចំណាំ៖
ក្រុមហ៊ុនហ្គោលដេន អេហ្វអិកស៍ លីងឃែភីថល ឯ.ក.បានខិតខំប្រឹងប្រែងធានាភាពសុក្រិត្យនិងពេញលេញនៃរបាយការណ៍ស្រាវជ្រាវនេះ។ទោះជាយ៉ាងណាក៏ដោយដោយហេតុថាទីផ្សារអាចមានការផ្លាស់ប្ដូរគ្រប់ពេលវេលាក្រុមហ៊ុននិងក្រុមហ៊ុនបុត្រសម្ព័ន្ធរបស់យើងមិនធានានូវភាពពេញលេញនិងភាពសុក្រិត្យឡើយ។ព័ត៌មាននេះគឺសម្រាប់តែជាឯកសារយោងតែប៉ុណ្ណោះ។គ្មានបុគ្គលណាម្នាក់អាចយកព័ត៌មានស្តីពីការជួញដូររូបិយបណ្ណបរទេសលោហៈធាតុមានតម្លៃនិងផលិតផលហិរញ្ញវត្ថុទាំងនេះក្នុងនាមជាក្រុមហ៊ុនហ្គោលដេន អេហ្វអិកស៍លីង ឃែភីថល ឯ.ក.ដើម្បីផ្តល់ជាតម្លៃទីផ្សារ ការ ផ្តល់យោបល់ការស្ទង់មតិនិងការទាក់ទាញវិនិយោគឡើយ។អតិថិជនត្រូវយល់ដឹងអំពីហានិភ័យដែលពាក់ព័ន្ធនឹងការវិនិយោគភាពប្រែប្រួលនៃទីផ្សារវិនិយោគនិងហានិភ័យនៃការបាត់បង់អាចមានទំហំធំ។អតិថិជនត្រូវពិចារណាដោយប្រុងប្រយ័ត្នទៅលើស្ថានភាពហិរញ្ញវត្ថុនិងគោលបំណងវិនិយោគដើម្បីសម្រេចទិសដៅវិនិយោគនិងជ្រើសរើសប្រភេទផលិតផលវិនិយោគដែលសមស្របបំផុតសម្រាប់ការយល់ដឹងរបស់ខ្លួន។
