ភ្នំពេញ៖ រដ្ឋាភិបាលកម្ពុជា​បានបង្កើតឃុំបួវិល​​នៃស្រុកបវេល ខេត្តបាត់ដំបង​​ ដោយកាត់យកភូមិចំនួន៩នៃឃុំបវេល។ នេះបើតាមអនុក្រឹត្យរបស់រដ្ឋាភិបាលកម្ពុជា​ដែលចុះនៅថ្ងៃទី២០ ខែសីហា ឆ្នាំ២០២១​ តែទើបតែចេញផ្សាយនៅថ្ងៃទី១ ខែកញ្ញា ឆ្នាំ២០២១។​

បើតាមអនុក្រឹត្យដដែល រដ្ឋាភិបាលកម្ពុជា​បានកាត់ចេញភូមិចំនួន៩ពីឃុំបវេលសម្រាប់បង្កើតជាឃុំបួវិល។ ភូមិដែលត្រូវកាត់ចេញនោះគឺមានភូមិបវេល២ ភូមិទំនប់ទឹក ភូមិព្រៃទទឹង១ ភូមិព្រៃទទឹង២ ភូមិគោក ភូមិស្លខ្លាញ់ ភូមិកំពង់ឆ្នាំង១ ភូមិកំពង់ឆ្នាំង២ និងភូមិសាមគ្គី។

អនុក្រឹត្យដដែលបានបញ្ជាក់ថា ការបង្កើតឃុំបួវិល​នេះឡើង​គឺសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់នាអាណត្តិទី៥ ដែលស្របតាមខ្លឹមសារមាត្រា១៨ នៃច្បាប់ស្តីពីការគ្រប់គ្រងរដ្ឋបាលឃុំ សង្កាត់៕