ប្រទេសភូមា ស្ថិតនៅតំបន់ប្រជាជាតិអាស៊ីអាគ្នេយ៍ និងស្ថិតនៅមិនឆ្ងាយប៉ុន្មានពីប្រទេសកម្ពុជា ពោលគឺបាំងតែប្រទេសថៃមួយប៉ុណ្ណោះ និងធ្លាប់មានព្រំប្រទេសជាប់អាណាចក្រខ្មែរ ផងដែរ កាលពីសម័យបុរាណ។
ប្រទេស ភូមា (Burma) ត្រូវបានរដ្ឋាភិបាលយោធា ដឹកនាំដោយឧត្ដមសេនីយ៍ ណេ វិន ដូរឈ្មោះមកជាប្រទេស មីយ៉ាន់ម៉ា (Myanmar) នៅក្នុងឆ្នាំ ១៩៨៩ បន្ទាប់ពីខ្លួនបានបង្ក្រាបក្រុមគាំទ្រលទ្ធិប្រជាធិបតេយ្យ ដោយបានសម្លាប់មនុស្សរាប់ពាន់នាក់។
រដ្ឋាភិបាលយោធាបានបញ្ជាក់ពីមូលហេតុថា ការដូរឈ្មោះប្រទេស មកជា មីយ៉ាន់ម៉ា (Myanmar) នេះ គឺក្នុងបំណងបង្កើតឯកភាពអត្តសញ្ញាណជាតិមួយ នៅក្នុងប្រទេសមួយ ដែលមានក្រុមជនជាតិភាគតិច ជាច្រើនពូជសាសន៍។ បើគេប្រើពាក្យថា ប្រទេសភូមា (Burma) គឺគេអាចយល់ច្រឡំថា ប្រទេសមួយនេះ គឺជាប្រទេសរបស់ក្រុមជនជាតិភាគតិចភូមា តែមួយប៉ុណ្ណោះ ។ ដូច្នេះ ការប្រើពាក្យ មីយ៉ាន់ម៉ា (Myanmar) គឺក្ដោបយកក្រុមជនជាតិភាគតិចទាំងអស់នៅទូទាំងប្រទេសតែម្ដង ហើយការដូរឈ្មោះនេះ ក៏ជាវិធីដើម្បីបំបាត់ឥទ្ធិពលរបស់ពួកអាណានិគមអង់គ្លេស ចេញពីប្រទេសផងដែរ៕ (ដោយ៖ តា សេរី)
